"ArselorMittal Temırtau" kompaniiasyn basqa menşık iesıne beru turaly qauesetterge Qaraǧandy oblysy äkımınıŋ bırınşı orynbasary Vadim Basin tüsınıkteme berdı, dep habarlaidy “Adyrna” ūlttyq portaly Sputnik.kz basylymna sılteme jasap.
Aqparat boiynşa, kompaniianyŋ özge menşık ielerınıŋ bırı – reseilık "Severstal" kompaniiasy. "Qazaqstan" kenışındegı ört turaly ötken brifingte Basinnen osy turaly sūraǧan. Al Vadim Basin būl sūraqqa sasqalaqtap, jaltara jauap berdı.
Köptegen qaueset-äŋgımeler tarap jatyr. Olar apta saiyn özgerıp otyrady. Qazırgı uaqytta kompaniia jūmysyn jalǧastyruda. Kompaniianyŋ tehnikalyq-ekonomikalyq jaǧdaiynda köptegen mäseleler bar. Bıraq qalǧanynyŋ bärı
kompaniianyŋ qalai jūmys ısteitınıne, qandai şeşımder qabyldanatynyna bailanysty bolady. Menıŋ oiymşa, kütuımız kerek, - dedı Vadim Basin.
Eske salaiyq, "Qazaqstan" şahtasynda 17 tamyzda D6 kömır bauraiynda gorizont – 170 metr)konveier lentasy örtengen bolatyn. 227 kenşınıŋ 222-sı evakuasiialandy. 13 kenşı zardap şektı, beseuı qaza tapty.
Qazaqstannyŋ tötenşe jaǧdailar ministrı Syrym Şärıphanov brifingte ört 100 % jūmys beruşınıŋ kınäsınen bolǧanyn mälımdegen bolatyn. Arnaiy qūrylǧan ükımettık komissiia bırqatar saraptama jürgızgennen keiın osyndai şeşımge keldı.
