Maŋǧystau oblysynda ötken aitysta aitqan sözı üşın aqyn Maqsat Aqanov aldaǧy alty ai boiy aitystarǧa qatystyrylmaidy. Būl turaly Aitys Odaǧynyŋ töraǧasy Amanjol Ältai mälımdedı, dep habarlaidy "Adyrna".
Būǧan deiın äleumettık jelıde aqynnyŋ Şaiyr auylyndaǧy aitysta söilegen sözınen üzındı taraǧan edı. Videoǧa qatysty Nūrgül Hasanova pıkır bıldırıp, aqynnyŋ sözın sahna mädenietı men aitys ädebıne qaişy dep synady.
“Mynau ne masqara, ne körgensızdık! Künı keşe Şaiyr auylynyŋ 100 jyldyǧynda bolǧan jaǧdai» deidı. «Vasap» arqyly kelıp jatyr. Aiaǧy las tördı bylǧaidy, auzy las eldı bylǧaidy» degen, auzyna kelgenın kökıp otyrǧan mynany jelkelep sahnadan quyp şyǧatyn bır namysty adam bolmaǧany ma sol jerde?! Jüz jerden «jūldyz», myŋ jerden «düldül» bolsa da! Mynau ne basynu, ne tairaŋdau?! Aitystyŋ ädebı, sahna mädenietı qaida?! Aitysty ūiymdastyruşylar men qazylar alqasy ne qarap otyr?! Eldı syilamau, jerdı qorlau, tūtas halyqty adam qūrly körmei, ar-namysyn taptau ǧoi būl!” – dep jazdy ol.
Onyŋ būl sözıne qosylyp, aqyndy qatty synaǧandar boldy. Al Aitys Odaǧynyŋ töraǧasy Amanjol Ältai būl aitys odaqtyŋ josparynda bolmaǧanyn, Şaiyr auylynda bolǧan aitys ekenın jetkızdı.
“Jeke käsıpkerlerdıŋ demeuşılıgımen sol öŋırdıŋ azamattarynyŋ ūiymdastyruymen ötken. Bızdıŋ qatysymyz joq. Özım ūiymdastyrǧan, qadaǧalaǧan aitystarda sahna mädenietınıŋ saqtaluyna, aqyndardyŋ ädebıne erekşe män berıledı. Maqsat Aqanovty aldaǧy jarty jylda aitystarǧa qatystyrmau jönınde şeşım qabyldandy. Şaiyr auylynda oryn alǧan keleŋsızdık bızdıŋ de qabyrǧamyzǧa batuda. Bır aqynnyŋ qatelıgı üşın barlyq aqyn kınälı emes. Özım ūiymdastyrǧan, basy – qasynda bolǧan aitystarda mūndai keleŋsız jaǧdailar eşqaşan bolǧan emes”, – dedı ol.
