Memleket basshysy Qasym-Jomart Toqaev «Ana tili» gazetine bergen suhbatynda biryńǵaı ýaqyt beldeýine qatysty suraqqa pikir bildirdi, dep habarlaıdy “Adyrna” ulttyq portaly.
Toqaev ýaqyt beldeýine qatysty jaǵdaıdy kórip-bilip otyrǵanyn aıtty.
”Úkimet óz sheshiminiń oryndy ekenine senimdi jáne Qazaqstan bir ýaqyt beldeýinde bolýy qajet dep sanaıdy. Ýaqytty durys paıdalaný týraly Barselona deklaraııasynda ártúrli ýaqyt beldeýin engizýge, ony qysqy jáne jazǵy ýaqytqa aýystyrýǵa áýes bolmaý qajettigi aıtylǵan. Degenmen azamattarymyz ótinish bildirip jatyr. Úkimettiń sheshimine qatysty ashyq talqylaýlar jandana tústi. Menińshe, qoǵamda kózqaras qaıshylyǵyn týdyratyn mundaı máselelerdi muqııat talqylaý qajet. Sondyqtan Parlamentte ǵalymdardyń, sarapshylardyń jáne aımaq ókilderiniń qatysýymen qoǵamdyq tyńdaý ótti. Taraptar ýaqyt beldeýin aýystyrýdyń el ekonomıkasyna jáne azamattardyń turmysyna áseri jónindegi barlyq pikirdi eskere otyryp, 1 naýryzǵa deıin jan-jaqty zertteý júrgizýge ýaǵdalasty. Sodan keıin naqty usynystar ázirlenedi. Parlament pen Úkimet bul máseleni baıyppen zerdelep, ortaq ári durys sheshimge keletinine senimdimin”, – deıdi Toqaev.
Aıta keteıik, buǵan deıin biryńǵaı ýaqytqa kóshýdiń halyq densaýlyǵyna áserin zertteý bastalǵany habarlanǵan bolatyn. Bul týraly bıomedıına, neıroǵylym, bıofızıka, genetıka, astrofızıka, metrologııa jáne medıına salasyndaǵy ǵalymdar men sarapshylardyń qatysýymen ótken «Biryńǵaı ýaqyt beldeýi: ǵylymı aspektiler» dóńgelek ústeliniń jumysy barysynda belgili boldy.
Ǵylym jáne joǵary bilim mınıstrliginiń málimetinshe, zertteý ýaqyt rejımi ózgeristeri qazaqstandyqtardyń fızıkalyq jáne psıhıkalyq densaýlyǵyna, sondaı-aq áleýmettik jáne ekonomıkalyq kórsetkishterge áserin zertteýge baǵyttalǵan.
