Egıpette eldiń eń baı otbasynyń basshysy qaıtys boldy, dep habarlaıdy "Adyrna" portaly «Sınhýa» agenttigine silteme jasap.
Egıpettiń El-Gýna kýrorttyq qalasynda 90 jasynda Egıpettiń eń baı otbasynyń basshysy, eldiń eń iri qurylys kompanııalarynyń biri Orascom-nyń negizin qalaǵan Onsı Savırıs qaıtys boldy. Óliminiń sebebi naqtylanbaǵan.
Forbes málimetteri boıynsha Onsı Savırıstiń baılyǵy 1,1 mıllıard dollarǵa baǵalanǵan. Kásipkerdiń uldary Nassef pen Nagıb Savırıs Egıpettegi mıllıarderler reıtınginiń birinshi jáne ekinshi joldaryn alady. Olardyń dáýleti, Forbes Real-Time málimetterine sáıkes, sáıkesinshe 9,2 mlrd jáne 3,1 mlrd. Osylaısha, eń baı Egıpet otbasy músheleriniń jıyntyq baılyǵy 13,4 mıllıard dollarǵa jetedi.
Onsı Savırıs 1930 jyly dúnıege kelgen. Ol Kaır ýnıversıtetiniń ınjener mamandyǵyn bitirip, 1950 jyly 10 jyldan keıin eldegi eń iri merdigerlerdiń birine aınalǵan qurylys kompanııasyn qurdy. Kompanııa joldar men sý joldarynyń qurylysymen aınalysqan.
"Adyrna" ulttyq portaly
