Özbekstandaǧy Ferǧana qalasynyŋ tūrǧyny äleumettık jelıde el prezidentı Şavkat Mirziioevke tıl tigızgenı üşın jetı jylǧa bas bostandyǧynan aiyryldy, dep habarlaidy «Adyrna» tılşısı fergana.agency-ke sılteme jasap.
Ol Facebook-te memleket basşysyna arnalǧan öleŋder men türlı videolardy jariialǧan.
Basylym jyl basynan berı memleket basşysy pen onyŋ otbasy müşelerın el aldynda balaǧattady degen aiyppen kem degende on adamnyŋ sottalǧanyn jazdy.
Būǧan deiın halyqaralyq Human Rights Watch qūqyq qorǧau ūiymy 2023 jyly Özbekstanda adam qūqyǧy jaǧdaiy naşarlaǧanyn mälımdegen edı.
Eske salaiyq, 2021 jyly Özbekstanda prezident tarapyna qorlau nemese jala jabu deregıne qatysty qylmystyq jauapkerşılık engızıldı. Qylmystyq kodekstıŋ 158-babynyŋ 3-bölıgı ("Özbekstan Respublikasy prezidentın jariia türde qorlau nemese jala jabu, sol siiaqty baspasöz nemese özge de būqaralyq aqparat qūraldaryn, telekommunikasiia jelılerın nemese internettı paidalanu") boiynşa üş jylǧa deiın tüzeu jūmystaryna nemese ekı jyldan bes jylǧa deiıngı merzımge bas bostandyǧyn şekteu ne bes jylǧa deiıngı merzımge bas bostandyǧynan aiyru jazasy közdelgen.
«Özbekstan Respublikasy Prezidentı qyzmetınıŋ negızgı kepıldıkterı turaly» Zaŋnyŋ 4-babyna säikes, prezidenttıŋ ar-namysy men qadır-qasietıne nūqsan keltıruge jol berılmeidı jäne ol zaŋ boiynşa jauapkerşılıkke tartylady.
