Búgin Ortalyq saılaý komıssııasynyń lıngvıstıkalyq komıssııasy prezıdenttikke úmitker segizinshi adam - Jumataı Álıevten alynǵan til emtıhanynyń qorytyndysyn jarııa etti. Ol 13 sóılemnen 19 qate jibergen eken.
OSK janynan qurylǵan QR prezıdenttigine úmitkerdiń memlekettik tildi meńgerý deńgeıin anyqtaıtyn lıngvıstıkalyq komıssııa búgin úmitkerlikke úmitker Jumataı Álıev qazaq tilin erkin meńgermegen degen qorytyndy jasady.
«Búgin «Halyq demografııasy» qoǵamdyq birlestiginen prezıdenttikke úmitker retinde usynylǵan Jumataı Álıev emtıhanǵa berilgen ýaqytyn tolyq paıdalandy. Komıssııa barlyq kezeńderdi jan-jaqty talqylady», dedi komıssııa múshesi Ádil Ahmetov.
Jumataı Álıev «Memleket jáne din» taqyrybynda shyǵarma jazǵan. Komıssııa qorytyndysyna sensek, Álıev óz shyǵarmasynda taqyrypty múlde asha almaǵan eken. Oǵan qosa, ekinshi kezeńde Áýezovtiń «Abaı joly» romanynan úzindi oqyǵan. Álıev ony da qatyrmapty. Úshinshi kezeńde «Yrys aldy - yntymaq» taqyrybynda baıandama jasaǵan. Baıandamasyy da ústirt jasalǵan. Al birinshi kezeńde jazǵan shyǵarmasyndaǵy 13 sóılemnen 19 qate jibergen. OSK janynan qurylǵan lıngvıstıkalyq komıssııasy qorytyndysy osyǵan saıady.
Sonymen prezıdenttikke úmitker retinde OSK-ǵa qujat tapsyrǵan barlyq úmitker memlekettik til emtıhanyn tapsyrýǵa mindetti. Osyǵan deıin Qasym-Jomart Toqaev bastaǵan barlyq úmitkerler bul emtıhandy tapsyrǵan. Salystyrý úshin ózgelerdiń emtıhanyna kóz júgirtkendi jón kórdik. Kim-qalaı jazdy?
Memlekettik til emtıhany úsh kezeńnen turady: taqyryp boıynsha jazbasha tapsyrma jazý, mátin oqý jáne lıngvıstıkalyq komıssııa bergen taqyrypqa sáıkes kópshilik aldynda keminde 15 mınýt sóıleý.
Qasym-Jomart Toqaev
Ol memlekettik til emtıhanynan 23 sáýir kúni ótti.
Birinshi kezeńde – «Abaı Qunanbaıulynyń poezııasy men qara sózderi» taqyrybynda esse jazdy.
Ekinshi kezeńde – Sherhan Murtazanyń «Myńbulaq» kitabynan úzindi oqydy.
Úshinshi kezeńde – «Qazirgi Qazaqstannyń geosaıasaty» taqyrybynda óz oıyn 15 mınýtta aýyzsha aıtyp berdi.
Lıngvıstıkalyq komıssııa Toqaevtyń qazaq tilin jetik meńgergenin, jazbashy jumysynyń mazmuny tereń ashylǵanyn, úzindini emoıonaldy túrde, mánerlep oqyp shyqqanyn, óz oıyn qazaqsha erkin jetkizgenin aıtyp, joǵary baǵalady.
Qorytyndyny habarlaǵan – Myrzataı Joldasbekov
Sádibek Túgel
Ol memlekettik til emtıhanynan 24 sáýir kúni ótti.
Birinshi kezeńde – «Táýelsiz memleketter dostastyǵy – tarıhy men búgini» taqyrybynda esse jazdy.
Ekinshi kezeńde – Ábish Kekilbaevtyń «Dala balladalary» jınaǵynan úzindi oqydy.
Úshinshi kezeńde – «Babalar sózi – danalyq kózi» taqyrybynda óz oıyn 15 mınýtta aıtyp berdi.
Lıngvıstıkalyq komıssııa Túgeldiń jazbasha jumysta azdaǵan pýnktýaııalyq qateler jibergenin, oqý kezinde úmitker memlekettik tildi erkin meńgergenin, úshinshi tapsyrma boıynsha sóz sóıleý máneri joǵary ekenin atap ótti.
Emtıhan qorytyndysy boıynsha Sádibek Túgel memlekettik tildi erkin meńgergen degen qorytyndy shyǵardy.
Qorytyndyny habarlaǵan – Ǵarıfolla Esim
Danııa Espaeva
Ol memlekettik til emtıhanyn 26 sáýir kúni tapsyrdy.
Birinshi kezeńde – «Uly Dalanyń jeti qyry» taqyrybynda esse jazdy.
Ekinshi kezeńde – Muqaǵalı Maqataevtyń «Amanat» óleńder jınaǵynan úzindi oqydy.
Úshinshi kezeńde – «Qoǵam jáne demokratııa» taqyrybynda óz oıyn 15 mınýtta aıtyp berdi.
Lıngvıstıkalyq komıssııa qorytyndysy boıynsha Danııa Espaeva memlekettik tildi erkin meńgergeni týraly sheshim shyǵaryldy. Komıssııa músheleri onyń úsh tapsyrmasyn da joǵary baǵalady.
Qorytyndyny habarlaǵan – Seıit Qasqabasov
Amangeldi Taspıhov
Ol memlekettik til emtıhanyn 26 sáýir kúni tapsyrdy.
Birinshi kezeńde – «MPeniń elim» taqyrybynda esse jazdy.
Ekinshi kezeńde – Qadyr Myrza Áliniń «Tańdaýly shyǵarmalary» jınaǵynan úzindi oqydy.
Úshinshi kezeńde – «til taǵdyry – el taǵdyry» taqyryby boıynsha 15 mınýttyq sóztalqy jasady.
Lıngvıstıkalyq komıssııa Taspıhovtyń jumysyn jaqsy baǵalady. Sóıtip tildi erkin meńgergen degen qorytyndy jasady.
Qorytyndyny – Ádil Ahmetov baıandap berdi.
Tóleýtaı Raqymbekov
Ol memlekettik til emtıhanyn 27 sáýir kúni tapsyrdy.
Birinshi kezeńde – «Bizdiń kúshimiz - birlikte» taqyrybynda esse jazdy.
Ekinshi kezeńde – Áýezovtiń «Abaı joly» romanynan úzindi oqydy.
Úshinshi kezeńde – «Elorda – táýelsizdik tuǵyry» taqyryby boıynsha óz oıyn 15 mınýtqa syıdyryp aıtyp berdi.
Komıssııa Tóleýtaı Raqymbekov qazaq tilin erkin meńgergen degen qorytyndy jasady.
Qorytyndyny Erden Qajybek oqyp berdi.
Jambyl Ahmetbekov
Ol memlekettik til emtıhanyn 27 sáýir kúni tapsyrdy.
Birinshi kezeńde – «Rýhanı jańǵyrý» taqyrybynda esse jazdy.
Ekinshi kezeńde – Ilııas Esenberlınniń «Qahar» romanynan úzindi oqydy.
Úshinshi kezeńde – «El birligi – eldiktiń arqaýy» taqyrybynda sóztalqy jasady.
Komıssııa emtıhanynń barlyq kezeńderi boıynsha úmitker memlekettik tildi erkin meńgergen degen qorytyndyǵa keldi.
Qorytyndyny Ǵarıfolla Esim baıandap berdi.
Ámirjan Qosanov
Ol memlekettik til emtıhanyn 29 sáýir kúni tapsyrdy.
Birinshi kezeńde - «Táýelsiz memleketter dostastyǵy – tarıhy men búgini» taqyrybynda esse jazdy.
Ekinshi kezeńde – Qadyr Myrza Áliniń óleńderin oqydy.
Úshinshi kezeńde – «Óner bilim bar jurttar...» taqyrybynda 15 mınýt sóıledi.
Komıssııa úmitker Qosanovtyń barlyq tapsyrmany óte joǵary deńgeıde oryndaǵanyn atap ótti. Sóıtip onyń memlekettik tildi meńgerý deńgeıin joǵary baǵalady.
Qorytyndy baıandamany Myrzataı Joldasbekov jasady.
Nátıjesinde búgin OSK-ǵa qujat tapsyrǵan segizinshi úmitker memlekettik til emtıhanynan ótpeı qaldy. Al OSK-ǵa qujat tapsyrý 28 sáýir kúni keshki saǵat 18:00-de aıaqtalǵan edi. Endi Ortalyq saılaý komıssııasy 11 mamyrǵa deıin osy qalǵan jeti úmitkerdi tirkeıdi. Onan keıin saılaýaldy úgit-nasıhat jumastary bastalady. Al saılaý 9 maýsym kúni ótedi.
«Adyrna» ulttyq portaly
