Tamyz aiynyŋ soŋynda Batys Qazaqstan oblysynyŋ äkımınıŋ ökımımen Qoǧamdyq damu basqarmasyna Güljanar Şökeeva basşy bolyp taǧaiyndalǧan edı. Oblystyŋ ideologiialyq jūmystaryn jüielı jürgızu üşın qyzmetke kelgen sol su jaŋa basşy jūmysyn özıne kreslo satyp aludan bastady, — dep habarlaidy Adyrna ūlttyq portaly gaszakup.qov.kz portalyna sılteme jasap.
Batys Qazaqstan oblysy Qoǧamdyq damu basqarmasy 11 qyrküiek künı jaŋa basşyǧa arnalǧan jaŋa kreslo satyp alu üşın tender jariialaǧan. Güljanar Bolatqyzy būrynǧy basşynyŋ taǧyn qomsyndy ma, äiteuır özıne arnalǧan kresloǧa memleket biudjetınen 200 000 teŋge bölgızıptı.
Tender jeŋımpazy 19 qyrküiekte anyqtalady.
Güljanar Bolatqyzy 1967 jyly Batys Qazaqstan oblysy Jänıbek audany Talov auylynda düniege kelgen. Bılımı – joǧary.
Almaty qalasynyŋ jäne Aqmola oblysynyŋ Işkı saiasat, Mädeniet ministrlıgınıŋ Qoǧamdyq jūmys departamentı, Qazaqstan halqy Assambleiasy, Prezident janyndaǧy memlekettık basqaru akademiiasy (BQO boiynşa filialy), sondai-aq «Qazaqstannyŋ Azamattyq Aliansy» zaŋdy tūlǧalar bırlestıgı sekıldı aty dardai memlekettık mekemelerde qyzmet atqarǧan.
Osyndai täjıribelı maman jūmystyŋ "bıssımılläsın" jaŋa kreslo aludan bastaǧany qalai?
Būl sūraq Güljanar Şökeevanyŋ özıne de joldandy. Resmi hatqa jauap kelıp jatsa, qosymşa jariialanady.
Qanat Bırlıkūly
"Adyrna" ūlttyq portaly
