Búgin Tatarstan aýmaǵyna alǵash ret shabýyl jasaldy, dep habarlaıdy "Adyrna" ulttyq portaly Mash telegramm arnasyna siltep.
Tatarstan basshysy Rýstam Mınnıhanov Telegram-kanalynda habarlanǵandaı, Alabuǵada zardap shekkender bar.
Ýkraına Qaýipsizdik Komıtetiniń Bas basqarmasy Tatarstannyń «Alabuǵa» dep atalatyn arnaıy ekonomıkalyq aımaǵyna kamıkadze drondar arqyly soqqy jasady. Áleýmettik jelide taraǵan vıdeoda shabýylǵa jarylys qýaty kúshti drondar qoldanylǵanyn kórýge bolady.
Ýkraına tarapy shabýyl Tatarstannyń «Alabuǵasynda» ornalasqan «Shahed» drondaryn qurastyratyn zaýytqa jasalǵanyn aıtady.
Al Reseı tarabynyń málimetinshe, búgingi soqqydan jeti adam zardap shekken, olardyń úsheýi aýrýhanaǵa jatqyzylǵan.
"Soqqy «Alabuǵamen» qatar «Nıjekamski» tehnologııalyq óndirisine de jasalǵan", - delingen beıresmı derekterde.
Tatarstanǵa shabýyl jasaǵan drondardyń qaıda jasalǵany aıtylmaǵan.
Soqqy jasalǵan nysan Ýkraına shekarasynan 1000 shaqyrym qashyqtyqta ornalasqanyn aıtady. «Washington Post-qa» bergen suhbatynda Ýkraına prezıdenti Zelenskıı:
«Biz ózimizde bar drondardy qoldanyp jatyrmyz. Jáne eshkimniń bizge neni soqqylaýǵa bolady, neni bolmaıdy dep nusqaýǵa qaqysy joq. Biz jaýdyń kez kelgen nysanyna soqqy berýge qaqylymyz», - dep sóılegen bolatyn.
Telegramm arnanyń málimetinshe, tańǵy altylar shamasynda qalaǵa jaqyn ornalasqan Alabuǵa arnaıy ekonomıkalyq aımaǵynda bolǵan jarylys zaýyt pen jataqhanaǵa sezilgen. Aldyn ala málimet boıynsha, zardap shekkender bar.
