Qarjy monitoring agenttıgı Mihail Kozachkovty ūstaǧanyn mälımdedı, dep habarlaidy “Adyrna” ūlttyq portaly.
Agenttıktıŋ baspasöz qyzmetınıŋ mälımetınşe, ol Kospaevtyŋ ūiymdasqan qylmystyq tobyna reiderlık basyp alular jasauǧa kömektesken degen küdıkke ılıngen.Aqparatqa süiensek, Qospaev pen onyŋ sybailastary tanymal käsıpkerlerdıŋ biznesın tartyp aluy terıs qoǧamdyq rezonans tudyratynyn tüsınıp, Kozachkovtyŋ qyzmetterın reiderlık basyp alu qūrbandaryna aqparattyq şabuyl jasau maqsatynda paidalandy.
Öz kezegınde, Kozachkov qūqyq qorǧau organdarynda köp jyldyq täjıribesı bar dosy Burhan Janseiıtovty ırı kölemdegı syiaqyǧa ŪQT müşelerıne sybailastyq jasauǧa tartqan.
Sondai-aq, özınıŋ būrynǧy bailanystary arqyly ŪQT qajettılıkterı üşın, sonymen qatar keiın jariialauǧa arnalǧan aiyptaityn aqparattardy jinaǧan.
“Sonymen qatar, Janseiıtov Kozachkovqa Telegramm-kanalyn moderasiialauǧa kömektestı, atap aitqanda, jurnalistıŋ jariialanymdarynyŋ astyna ŪQT basqa müşelerımen bırıgıp, kommentariiler ornalastyru arqyly qoǧamdyq pıkır qalyptastyrdy.
Posttarǧa jaǧymsyz pıkırler qaldyrǧan jazbalardy öşırıp, paidalanuşylardy būǧattap otyrǧan”, - delıngen aqparatta.
Tergeu barysynda Janseitov pen Kozachkovtyŋ öz qyzmettır üşın ŪQT müşelerınen 52 mln teŋge syiaqy alǧany däleldengenı aitylady.
Käsıpker Äbdıǧapparovtyŋ şeşesı Jünısbekovaǧa tiesılı "Esentai siti" jobasyndaǧy ülestı reiderlık basyp alu piǧylyn ıske asyru üşın Kozachkov Äbdıǧapparovtyŋ bedelın tüsıretın bırqatar maqalalar jariialaǧan.
“Būl rette jurnalist "Būqaralyq aqparat qūraldary turaly" zaŋ talaptaryn öreskel būzdy, öitkenı keibır jaǧdailarda ol körıneu jalǧan mälımetterdı, sondai-aq banktık, otbasylyq jäne basqa da zaŋmen qorǧalatyn qūpiiaǧa qatysty derekterdı taratty.
Aǧymdaǧy jyldyŋ säuır aiynda käsıpker Abdullaev Kospaevtyŋ ŪQT müşesı – Şalin Ruslan tarapynan şyny ydystar şyǧaratyn zauytty reiderlık basyp alu faktısı turaly jūrtşylyqqa jügındı, olar zaŋdy menşık iesın basqarudan şettetuge tyrysty”, - dep qosty qarjy monitoring agenttıgı.
Agenttıktıŋ baspasöz qyzmetınıŋ mälımetınşe, jolǧa qoiylǧan shema boiynşa, ŪQT müddesı üşın äreket ete otyryp, Kozachkov zauyt iesınıŋ bedelın tüsıretın bırqatar maqalalar jariialaǧan. Būl rette Almaty oblysy tūrǧyndarynyŋ alkogol önımımen ulanuy jäne jäbırlenuşınıŋ qasaqana kısı öltıruge qatysy bar ekendıgı turaly körıneu jalǧan mälımetter taratyldy.
2022 jyldyŋ şılde aiynyŋ basynda Qospaevtyŋ ŪQT müşelerı qarjylyq monitoring organdary olardyŋ qylmystyq äreketterın äşkereleu boiynşa jedel ıs-şaralar men tergeu jürgızıp jatqanyn qūqyq qorǧau organdaryndaǧy derekközderı arqyly bılgen. Jasalǧan qylmystary üşın qylmystyq jauapkerşılıkke tartyludan qorqyp, ŪQT müşelerı Tanaşev, Şalin, Kospaev Aidos Kozachkov pen Janseiıtovtyŋ qatysuymen Eldos Kospaevtyŋ üilestıruımen tergeu organynyŋ bedelın tüsıru jäne onyŋ jūmysyna kedergı jasau josparyn ıske asyrǧan.
“Aǧymdaǧy jyldyŋ 12 şıldesınde Almaty qalasynda Janseiıtov ŪQT belsendı müşesı - Aidos Kospaevqa baqylaudy jürgızgen jedel qyzmetkerlerdıŋ maşinasynyŋ jolyn būǧattady.
Aldyn ala daiyndalǧan ssenarii boiynşa advokattar men Kozachkov oqiǧa ornyna keldı, olar qorǧauşylardy jasyryn baqylaudy äşkerelegenı turaly jalǧan mälımetterdı köpşılıkke tarata bastady.
Billing pen baqylau kameralaryn qoldanu arqyly jedel maşinanyŋ sol künı nemese aldyŋǧy bırneşe künde advokattardyŋ jüru baǧyty boiynşa müldem qiylyspaǧany senımdı türde anyqtaldy.
Kozachkov naqty derekterdıŋ būrmalanuymen bailanysty jaǧdaidy ŪQT müddesı üşın qamtyp qana qoimai, olardyŋ ıs-äreketterın sol jerde üilestırdı jäne Kospaev Aidosqa baqylaudan jasyrynuǧa mümkındık berdı. Nätijesınde soŋǧysy ızdeuge jariialandy”, - dep jazdy agenttık.
Būdan basqa, Kozachkovqa jäne basqa tūlǧalarǧa qatysty memlekettık qūpiialardy qūraityn mälımetterdı zaŋsyz jinau jäne taratu faktılerı boiynşa qylmystyq ıs tergelude.
Qazırgı uaqytta tergeu jalǧasuda, Kospaevtyŋ ŪQT müşelerınıŋ basqa da qylmystarǧa qatysy bar-joǧy tekserılude.
