Almatyda Antikordyŋ jalǧan qyzmetkerı ūstaldy. Būl turaly sybailas jemqorlyqqa qarsy qyzmet rastady, dep habarlaidy «Adyrna» ūlttyq portaly.
2023 jyldyŋ 6 qaŋtarynda Sybailas jemqorlyqqa qarsy qyzmettıŋ Özındık qauıpsızdık departamentı Almaty polisiia departamentınıŋ qyzmetkerlerımen bırlesıp, jolda jüru erejelerın būzǧany üşın äkımşılık jauapkerşılıkke tartylmau maqsatynda özın Sybailas jemqorlyqqa qarsy qyzmettıŋ qazırgı qyzmetkerı retınde tanystyrǧan 1987 jyly tuǧan azamat Ūlan Raidy äşkereledı.
Qūjattardy tekseru barysynda qūqyq būzuşy Qazaqstan Respublikasy Memlekettık qyzmet ısterı jäne sybailas jemqorlyqqa qarsy ıs-qimyl agenttıgı departamentı qyzmetkerınıŋ jalǧan qyzmettık kuälıgın körsetken.
"Azamat ūstalyp, uaqytşa ūstau izoliatoryna qamauǧa alyndy. Tergeu jalǧasyp jatyr. Tergeu müddesı üşın özge aqparat jariia etuge jatpaidy.
Sybailas jemqorlyqqa qarsy ıs-qimyl agenttıgı qyzmettık kuälıkterdı qoldan jasau QR Qylmystyq Kodeksınıŋ 385-baby boiynşa qylmystyq jauaptylyqqa äkep soqtyratynyna nazar audarady. Osy azamattyŋ qatysuymen qūqyqqa qarsy ıs-qimyl deregı boiynşa qandai da bır aqparat bolǧan jaǧdaida, Sybailas jemqorlyqqa qarsy qyzmettıŋ Call-ortalyǧyna 1424 nemese 8 (7172) 90-94-08 nömırı boiynşa habarlasuyŋyzdy sūraimyz", - delıngen habarlamada.
