Qoǵam belsendisi ózin "arab-parsy ıdeologııasyna" saı jerlemeýdi tapsyryp, ósıet-hat jazdy

3086
Adyrna.kz Telegram

Qazaqstandaǵy dinı ahýalǵa, dinı erkindik pen dinı saıasatqa qatysty óz oıyn ashyq aıtyp, ıýtýb arnalarynyń birine suhbat bergen qoǵam belsendisi Tortýyl Shoqanǵa qarsy jasalǵan qysymdy sıpattaǵan belsendi Turarbek Qusaıynuly tosyn málimdeme jasady. Ol óziniń urpaǵyna ósıet jazyp qaldyryp, ony jalpaq jurtpen bólisti, dep habarlaıdy  "Adyrna" ulttyq portaly.  

Ósıet-hat ıesi Qazaqstandaǵy dinı alabótendikti sıpattap, mynandaı mátinmen bólisti:

- Qurmetti qazaqı tanymdaǵy zaıyrly Otandastar!

Tortýyl Shoqan aǵamyzǵa ımam-moldalar qatty shúıligip, ábden qarǵap-silep jatyr eken. Buǵan sebep Nurekeńniń jýrnalıst Nurseıit Jylqyshybaıǵa bergen ay da bolsa, aqıqatqa toly suhbaty der edim.

Soǵan baılanysty men kishi júz Adaı rýy , onyń ishinde Tobyshtyń Tabynaıy bop tabylatyn Turarbek Qusaıynuly osy jaryq dúnıede dám-tuzym taýsylyp, alda-jalda,ıaǵnı bolashaqta aqtyq saparǵa attansam, meni arab-parsy ıdeologııasy jáne mádenıet-folkloryna negizdelgen Islam dininiń arab tilinde oqylatyn dinı rásimimen jerleýge úzildi-kesildi qarsy ekenimdi bildirip, óz ustanymymdy halyq aldynda ashyq málimdegim keledi.

Atalmysh ósıet-hat óz qolymmen jazyldy jáne eń jaqyn týystaryma tabystaldy.

Qurmetpen ósıet-hat ıesi: Turarbek Qusaıynuly

02.09.2023, - dep jazdy qoǵam belsendisi.

Oraıy kelgende aıta keteıik, qoǵam belsendisi Tortýyl Shoqan Qazaqstandaǵy qaıshylyqqa toly dinı alaýyzdyq pen dinı ahýaldy taldap, saraptap, jýrnalıst Nurseıit Jylqyshybaıǵa suhbat beredi. Belsendi Turarbek Qusaıynuly osyndaı málimdeme jasaý arqyly suhbattaǵy kózqarasty qoldaıtynyn bildirmek bolǵan.

 

 

"Adyrna" ulttyq portaly

Pikirler