Qoǧam belsendısı Toǧjan Qojaly mektepte namaz oqu mäselesıne toqtalyp, özınıŋ pıkırın bıldırdı, dep habarlaidy "Adyrna" ūlttyq portaly.
- Jūmys jäne mektep uaqytynda bır ǧana namaz bar. Tüskı as uaqytyndaǧy qūlşylyq. Ony kelesı namazǧa deiın oquǧa bolady. Qazır, mysaly, Almatyda būl saǧat 12.58-den 17.46-ǧa deiın. Sondyqtan mektepter namazhanaǧa ainalmaidy.Aitpaqşy, mūǧalımder, mektep qyzmetkerlerı, äsırese, qazaq mektepterı men auyldarda dındarlar köp. Olar da sonda dıni bostandyq pen namaz qylu qūqyǧynan bas tarta ma?"Synyptardyŋ tarlyǧy" turaly... Namaz qylu üşın 2 şarşy metr men arnaiy perdesı ǧana qajet. Älde men mäselenıŋ nede ekenın tüsınbeimın be? Nemese milliondaǧandardyŋ dıni senımı men QR azamattarynyŋ bostandyǧyna, qūlşylyqtaǧy jailylyǧyna nazar audarudyŋ qajetı joq pa?Bız üşın zaiyrlylyq pen dındarlyqty üilestırgen Türkiianyŋ damu modelı öte qolaily. Bıraq türıkterdıŋ mentalitetıne deiın bız älı öspegen siiaqtymyz. Bızge İran, Siriia, Auǧanstandy aityp, qorqytpaŋyz, ötınemın. 12-ǧasyrǧa qaitadan oralmaimyz. Qazaqstan tarihy men qazaqtardyŋ mentalitetın tüsınbeitınderdı qorqytyp-ürkıtudı toqtatu qajet, - dedı avtor.
Sonymen qatar, qoǧam belsendısı özınıŋ 12 jastan bastap namaz oqitynyn, 30 jylǧa juyq oraza ūstaǧanyn aitty.
Būǧan qatysy deputat, jurnalist Ermūrat Bäpi pıkır bıldırdı. Ol:
- Toǧjan, sen äldekımge ädeiı ıstep jürsıŋ be, joq älde şynaiy nietıŋ osyndai panislamdyq paiymda ma? Soŋǧy kezderı men senıŋ jelıdegı qylyǧyŋdy tüsınbei kettım, qaryndasym! - dep jazdy.
Oraiy kelgende aita keteiık, Qazaqstanda hidjab pen oramal taǧu, bılım mekemelerındegı forma men qūlşylyq mäselesı oqu jyly bastalǧan saiyn örşidı. Keşe oqu-aǧartu ministrı Ǧani Beisembaev qoǧamda dau tuǧyzyp jatqan mektepte hidjab kiiu taqyrybyna qatysty taǧy da pıkır bıldırdı, belgılengen mektep formasyn saqtaudy eske salǧan bolatyn.
"Adyrna" ūlttyq portaly
Ūqsas jaŋalyqtar
