قوعام بەلسەندىسى توعجان قوجالى مەكتەپتە ناماز وقۋ ماسەلەسىنە توقتالىپ، ءوزىنىڭ پىكىرىن ءبىلدىردى، دەپ حابارلايدى "ادىرنا" ۇلتتىق پورتالى.
- جۇمىس جانە مەكتەپ ۋاقىتىندا ءبىر عانا ناماز بار. تۇسكى اس ۋاقىتىنداعى قۇلشىلىق. ونى كەلەسى نامازعا دەيىن وقۋعا بولادى. قازىر، مىسالى، الماتىدا بۇل ساعات 12.58-دەن 17.46-عا دەيىن. سوندىقتان مەكتەپتەر نامازحاناعا اينالمايدى.ايتپاقشى، مۇعالىمدەر، مەكتەپ قىزمەتكەرلەرى، اسىرەسە، قازاق مەكتەپتەرى مەن اۋىلداردا ءدىندارلار كوپ. ولار دا سوندا ءدىني بوستاندىق پەن ناماز قىلۋ قۇقىعىنان باس تارتا ما؟"سىنىپتاردىڭ تارلىعى" تۋرالى... ناماز قىلۋ ءۇشىن 2 شارشى مەتر مەن ارنايى پەردەسى عانا قاجەت. الدە مەن ماسەلەنىڭ نەدە ەكەنىن تۇسىنبەيمىن بە؟ نەمەسە ميلليونداعانداردىڭ ءدىني سەنىمى مەن قر ازاماتتارىنىڭ بوستاندىعىنا، قۇلشىلىقتاعى جايلىلىعىنا نازار اۋدارۋدىڭ قاجەتى جوق پا؟ءبىز ءۇشىن زايىرلىلىق پەن دىندارلىقتى ۇيلەستىرگەن تۇركيانىڭ دامۋ مودەلى وتە قولايلى. بىراق تۇرىكتەردىڭ مەنتاليتەتىنە دەيىن ءبىز ءالى وسپەگەن سياقتىمىز. بىزگە يران، سيريا، اۋعانستاندى ايتىپ، قورقىتپاڭىز، وتىنەمىن. 12-عاسىرعا قايتادان ورالمايمىز. قازاقستان تاريحى مەن قازاقتاردىڭ مەنتاليتەتىن تۇسىنبەيتىندەردى قورقىتىپ-ۇركىتۋدى توقتاتۋ قاجەت، - دەدى اۆتور.
سونىمەن قاتار، قوعام بەلسەندىسى ءوزىنىڭ 12 جاستان باستاپ ناماز وقيتىنىن، 30 جىلعا جۋىق ورازا ۇستاعانىن ايتتى.
بۇعان قاتىسى دەپۋتات، جۋرناليست ەرمۇرات ءباپي پىكىر ءبىلدىردى. ول:
- توعجان, سەن الدەكىمگە ادەيى ىستەپ ءجۇرسىڭ بە، جوق الدە شىنايى نيەتىڭ وسىنداي پانيسلامدىق پايىمدا ما؟ سوڭعى كەزدەرى مەن سەنىڭ جەلىدەگى قىلىعىڭدى تۇسىنبەي كەتتىم، قارىنداسىم! - دەپ جازدى.
ورايى كەلگەندە ايتا كەتەيىك، قازاقستاندا حيدجاب پەن ورامال تاعۋ، ءبىلىم مەكەمەلەرىندەگى فورما مەن قۇلشىلىق ماسەلەسى وقۋ جىلى باستالعان سايىن ءورشيدى. كەشە وقۋ-اعارتۋ ءمينيسترى عاني بەيسەمباەۆ قوعامدا داۋ تۋعىزىپ جاتقان مەكتەپتە حيدجاب كيۋ تاقىرىبىنا قاتىستى تاعى دا پىكىر ءبىلدىردى، بەلگىلەنگەن مەكتەپ فورماسىن ساقتاۋدى ەسكە سالعان بولاتىن.
"ادىرنا" ۇلتتىق پورتالى
