«QazMūnaiGaz» ūlttyq kompaniiasy Maŋǧystau oblysyndaǧy «Soltüstık Özen» uchaskesınde mūnai ızdeu jūmystaryn bastady, dep habarlaidy "Adyrna" ūlttyq portaly.
Kompaniia būl uchaskenı barlau jäne igeru qūqyǧyn 2024 jyldyŋ mausym aiynda alǧan bolatyn.
Qazırgı uaqytta aumaqta alǧaşqy ızdeu ūŋǧymasy būrǧylanuda. Barlyǧy ekı ūŋǧyma qazu josparlanǧan.
Onyŋ bırı 2000 metr bolsa, ekınşısı — 1650 metr tereŋdıkte. Jobany «QazMūnaiGazdyŋ» enşıles kompaniiasy — «KMG Barlau» JŞS jüzege asyruda.
Būrǧylau jūmystary bastalmas būryn 400 şarşy şaqyrym aumaqta seismobarlau zertteulerı jürgızılgen.
«Bırınşı ızdeu ūŋǧymasy — jobanyŋ negızgı kezeŋderınıŋ bırı. Onyŋ nätijelerı geologiialyq qūrylymdy naqtylap, aimaqtyŋ mūnai-gaz äleuetın anyqtauǧa mümkındık beredı», — dep mälımdedı kompaniia ökılderı.
«Özen Soltüstık» uchaskesı Qaraqiia jäne Maŋǧystau audandarynyŋ aumaǧynda, Jaŋaözen qalasynan şamamen 20 şaqyrym jerde ornalasqan. Būl joba kürdelı dep sanalady jäne oǧan erekşe nazar audarylyp otyr. Sebebı būl jūmystar Prezident Qasym-Jomart Toqaevtyŋ tapsyrmasy aiasynda jüzege asuda. Memleket basşysy Aqtauǧa jūmys sapary kezınde ūlttyq kompaniiaǧa öŋırdıŋ mūnai-gaz äleuetın odan ärı damytu mındetın jüktegen bolatyn.
