Soŋǧy kezderı elımızde dıni jamaǧatqa bölınuşılık üderısı beleŋ alǧany baiqalady. Būǧan äleumettık qūbylys retınde qarauǧa bolar, alaida onyŋ ışınde alasy da, qūlasy da bolatyny zaŋdylyq. Äsırese, özge piǧyldaǧy dıni jamaǧattardan qoǧamǧa qauıp köbırek. Bügıngı talqy taqyrybymyzda destruktivtı dıni jamaǧattardyŋ közdegenı men köksegenı ne ekenın aşyp aitamyz.
Destruktivtı dıni jamaǧattar barlyq kezeŋde közdegenıne jetu üşın eşteŋeden taiynbaǧan. Dındı qalaularynşa būrmalap, ärtürlı aila-şarǧyǧa baryp otyrǧan. Qoǧamǧa ırıtkı saludyŋ jolyn ızdep, zūlymdyqty aqtauǧa tyrysqan. Bügıngı taŋda olardan tönetın qater küşeimese, seiılgen joq. Artynan eruşılerdıŋ qatary köbeimese, kemıgen joq.
Jalpy destruktivtı dıni jamaǧattar adamdar arasyndaǧy tuystyq, otbasylyq, bauyrlastyq qatynastardy joqqa şyǧarady. Özara ymyraǧa keluge mülde talpynbaidy. Olarǧa özgenı adasqan deu – äldeqaida oŋai. Destruktivtı jamaǧattar ärdaiym qataryn toltyryp otyruǧa talpynady. Ol jolda adamdardy aldap, arbap, özderın bılım beru, biznes, mädeniet salasynyŋ ökılderı retınde körsetuge tyrysady.
Terıs piǧyldylar eŋ aldymen öz jemtıgın taŋdap, onymen jaqynyraq tanysudyŋ jolyn ızdeidı. Özderın adal, jaqsy adamdardai körsetedı. Adamnyŋ dınge degen qyzyǧuşylyn oiatuǧa, ol üşın kömek körsetıp, janynan tabyluǧa daiyn ekenın jetkızedı. Osylaişa, jalǧan dostyq bailanys bastalady. Al arbaluşy olardyŋ şekten tys janaşyrlyǧyna senım bıldıre bastaidy. Onyŋ jürıs tūrysy ärdaiym qadaǧalanyp, öz jaqyndaryna jat bolǧanşa äreket osylai jalǧasady. Kez kelgen mäselede solarǧa jügınetın hälge jetedı. Qoǧamǧa degen jiırkenış sezımın oiatyp, adamdardy adasuşylar retınde körsetıp baǧady. Osyndai psihologiialyq etaptardan ötken arbaluşy öz ömırın sol jamaǧattyŋ müddesıne arnauǧa daiyn tūrady. Özım degendı mülde ūmytady.
Mıne, sondyqtan terıs piǧyldylardyŋ qoǧam üşın keltırer zalalyn aitpasa da tüsınıktı. Būl öz kezegınde ūlttyq qūndylyǧymzǧada kerı äserın tigızude.
Sol üşın elımızdegı kümändı jäne destruktivtı sipattaǧy «jamaǧattardyŋ» köbeiuıne saqtyqpen qaraǧanymyz abzal. Äitpese, büirekten siraq şyǧaruǧa äzır tūrǧandardyŋ joqtyǧyna kım kepıl?! Jat jamaǧattardan saqtaudyŋ emes, saqtanudyŋ jolyn ızdegenımız jön şyǧar...
Dınge qatysty sūraq bolǧan jaǧdaida tek resmi dın ökılderı men bılıktı teologtarǧa jügıngen dūrys jäne qauıpsız bolar.
Ūqsas jaŋalyqtar
