Menıŋ jekeme özım syilaityn bauyrym nege antagonistık, iaǧni qarama-qaişy degen saual jıberıptı. Täuelsız dın zertteuşısı retınde būl sūraqqa jauap bermes būryn eŋ äuelı qazaq qoǧamynda qandai dın iaki dıni baǧyt postmodern zamanynda tehnokrattyq progress pen zamanaui ǧylymdarǧa säikes-sai keledı dep qarastyru kerek siiaqty.
Menıŋ subektivtı pıkırım boiynşa, bırınşı türkılık örkeniet, iaǧni ata-babamyzdyŋ ūstanǧan täŋırşıldık-monoteizm dünietanymynyŋ ontologiiasy men filosofiiasyn jan-jaqty tereŋ zertteu qajet. Sebebı, ökınışke orai resei-qytai tarihşylary men ideologtary täŋırlık senımdı jabaiy qoǧamdaǧy mistikaǧa negızdelgen eklektikalyq şamanizm jäne baqsy-balgerlıkpen tüsındıredı.
Ekınşı tarih boiynşa qazaqtarǧa hristiandyq dünietanym öte jaqyn jäne atalmyş qūndylyqtardy ata-babalarymyz därıptep, kündelıktı ömırde qoldanǧan.
Mysaly 15 -ǧasyrǧa deiın hristian-nestorian dınınde bolǧan qazaq rulary:
1.Jalaiyrlar
2.Albandar men Üisınder
3.Kerei
4.Arǧyndar
5.Naimandar
6.Qoŋyrattar
7. Uaqtar
Atap aitsaq, hristiandyq-nestorian baǧytyn tarihşy Mahmud Kaşǧari men basqa da jazba derekterde ūly jüzdıŋ jartysynan astamy men bükıl orta jüz dın retınde qabyldaǧany aitylǧan.
Al dästürlı dıni-saiasilanǧan, iaǧni arab-parsy mädenietıne negızdelgen İslam dınınde ūltşyldyq pen demokratiiaǧa qarsy - ümmet (arabşa-umma) siiaqty ūjymdyq ideia üstem, iaǧni bärınen biık tūrady. Menıŋşe ūlttyq ruhy men tılı asqaqtaǧan, ǧylym-bılımı ozyq Häm ekonomikasy damyǧan, tehnokratty memleketterdıŋ qatarynan körıngımız kelse, qazaqtar täŋırlık senım men hristian dınındegı protestanttyq baǧytty ūlttyq deŋgeide nasihattaǧany jön siiaqty.
Eger täŋırlık (monoteizm) senım qazaq ūltyn türkı halyqtarynyŋ dünietanymy men mädenietımen qauyştyrsa, al protestanttyq baǧyt progressivtı AQŞ pen Evropa memleketterımen jaqyndastyrady.
Tūrarbek QŪSAIYNOV,
"Demos"QB töraǧasy
(Avtordyŋ dıni közqarasy redaksiianyŋ ūstanymyn bıldırmeidı)
Ūqsas jaŋalyqtar
