Aqtöbe oblysynda köktemgı su tasqyny saldarynan «Qandyaǧaş – Embı – Şalqar – Yrǧyz» avtojolynyŋ bır bölıgı su astynda qaldy. Osyǧan bailanysty 2025 jylǧy 18 nauryz saǧat 07:00-den bastap barlyq kölık türlerınıŋ qozǧalysyna şekteu engızıldı. Būl turaly «QazAvtoJol» mälımdedı, dep habarlaidy “Adyrna” ūlttyq portaly.
Mälımet boiynşa, su deŋgeiınıŋ köterıluı Jem özenı köpırınıŋ maŋyndaǧy ainalma joldyŋ şamamen 100 metrlık bölıgın su basuyna alyp keldı. Su biıktıgı 50 sm-ge deiın jetken. Qauıpsızdıktı qamtamasyz etu maqsatynda Qandyaǧaş qalasy men Embı qalasy arasyndaǧy 3-92 şaqyrym aralyǧynda kölık qozǧalysy toqtatyldy.
Tötenşe jaǧdailar qyzmetı azamattarǧa jolǧa şyqpas būryn aua raiy jaǧdaiy men joldardyŋ aşyqtyǧy turaly aqparatty qadaǧalauǧa keŋes beredı.
Jergılıktı bilık pen qūtqaru qyzmetterı jaǧdaidy baqylauda ūstap otyr. Mamandardyŋ aituynşa, su deŋgeiı tūraqtalǧannan keiın jol qaita aşylady. Äzırge tasqynǧa bailanysty Aqtöbe oblysynda basqa da uchaskelerde joldyŋ jabylu qaupı bar.
