«Sadaqa»: Aqtóbelik jankúıerler tarazdyq tóreshige aqsha aýdaryp jatyr

2819
Adyrna.kz Telegram
Foto: bassport.kz
Foto: bassport.kz

«Aqtóbe» fýtbol klýbynyń jankúıerleri tarazdyq tóreshi Sáken Baıymbettiń jeke telefon nómirin jarııalap, onyń bank kartochkasyna aqsha jiberip jatyr, dep habarlaıdy “Adyrna” ulttyq portaly bassport.kz saıtyna silteme jasap. 

Ár jiberilgen 100 teńgege «Sadaqa», «Saıqymazaq» degen sııaqty habarlama jazylǵan. Jankúıerlerdiń pikirinshe, «Tobylmen» bolǵan oıynnyń esebine dál osy tarazdyq tóreshi kináli kórinedi.

Aıta keteıik, «Tobyl» men «Aqtóbe» arasyndaǵy fýtboldan Qazaqstan premer-lıgasy 23-týrynyń ortalyq kezdesýi daýmen aıaqtaldy. Osy oıynda «Tobyl» 1:0 esebimen jeńiske jetti. Sheshýshi gol matchtyń 87-mınýtynda penaltıden soǵyldy. Onyń avtory – Serikjan Mujyqov. Alǵashqy soqqyny Stas Pokatılov qaıtarady. Alaıda tóreshi VAR-dyń kómegine júginip, penaltıdi qaıta soqtyrady.

Sonymen qatar, jankúıerlerdiń pikirinshe «Tobyl» oıynshysynyń óz aıyp alańynda qolymen oınaǵanyna tóreshi nazar aýdarmaı, olardyń qaqpasyna 11 metrlik aıyp soqqysyn bermegen.

Osy jeńilisten keıin «Aqtóbe», «Astana» komandasynyń arasy bir ǵana upaı boldy. Elordalyqtar «Qaıratty» 4:0 esebimen jeńip, tórt upaılyq aıyrmany qysqarta aldy.

Pikirler