90-nan astam pansionaty bar qaiyrymdylyq qoryn zerttegen jurnalist tyŋ derektermen bölıstı, dep habarlaidy “Adyrna” portaly Almaty.tv tılşısıne sıltep.
Jurnalist Asqarbek Qazanǧap «süleimenşıler» turaly aşyq zertteu jūmystaryn jürgızgen. Al keiınnen olarǧa qatysty baǧdarlamadan keiın kiberşabuyl üdei tüskenın aitady. Mamyr aiynda jaryq körgen baǧdarlamadan keiın onyŋ telefonyna türlı qorqytu-ürkıtu syndy sözder kelgen.
Jurnalist sözınşe, basy dauǧa qalǧan qaiyrymdylyq qorynyŋ soiylyn soqqandar özın balaǧattap, qorqytyp, jalǧan jalamen sotqa berıp ülgergen.
«Aitamyz» tok-şouynyŋ jürgızuşısı baǧdarlamada pansionat tärbielenuşısınıŋ, dıntanuşylar men müftiiat ökılderınıŋ basyn qosyp, qaiyrymdylyq qory men «süleimenşıler» jamaǧaty turaly taqyrypty aşyq talqylaǧan. Baǧdarlamaǧa şu şyqqan mekemenıŋ ökılderı de şaqyrylady. Alaida mekeme ökılderı tüsırılım künı kelmeitının habarlap, pıkırtalastan bas tartqan körınedı.
– «Jıbek Jolynyŋ» aqparat bölımınıŋ basşysyna şyqqan kezde, 2-3 kün būryn baǧdarlamanyŋ tüsırıletının eskerttım. «Erteŋ «nege aitpadyŋdar, nege habarlaspadyŋdar?" dep baǧdarlamany joqqa şyǧarudyŋ qajetı joq. Aitaryŋyz bolsa, baǧdarlamaǧa kelıŋızder, pıkırıŋızdı mamandarǧa aityŋdar, aq-qarasyn sol jerde ara-jıgın ajyrataiyq» dep telefonmen bailanystym. Alaida olar tok-şou bolatyn künı kele almaitynyn aitty. Sebebın tüsındıre almady», – dedı jurnalist Asqarbek Qazanǧap
Onyŋ aituynşa, mekeme jaqtastary pansionat ışındegı jasyryn äreketterdı jasyrmai aitqan tärbielenuşınıŋ oiyn özgertıp, özıne qarsy qoiyp ülgergen. Bıraq būl äreket jurnalist zertteuıne eş kedergısın keltırmegen. Sebebı Asqarbek Qazanǧaptyŋ qolynda barlyq dälel bolǧan. Polisiia departamentı qaiyrymdylyq qoryna qatysty qylmystyq ıs qozǧaǧaly aqparat betterınde «süleimenşıler» turaly jazba da köbeigen.
Qūzyrly organ deregınşe, qaiyrymdylyq qoryna qaraityn mūndai pansionattar tek Almatyda ǧana emes. Eldıŋ bırqatar özge öŋırınde de kezdesedı. Jalpy sany 90-nan asady. Būǧan deiın olar müftiiatpen memorandum jasasu arqyly jūmys ıstep kelgen. Sonyŋ aiasynda dıni oqulardy basqarma bekıtken imamdar arqyly ötkızuge mındettelgen eken. Alaida QMDB ökılderı habarlaǧandai, qaiyrymdylyq mekemesı üi ışınen üi tıgıp, kelısımdı saqtamaǧan. Zaŋ būzylǧany anyqtalǧannan keiın, memorandumnyŋ küşı joiylǧan.
Bügınde balalar pansionatynyŋ atyn jamylyp jūmys ısteitın qaiyrymdylyq mekemelerge qatysty qylmystyq ıs tergeude. Olar kämeletke tolmaǧan balany öz-özıne qol jūmsauǧa itermeledı jäne basqa da qylmys jasady degen küdıkke alynyp otyrǧanyn aita keteiık. Būǧan deiın qūzyrly organ ökılderı tekseru kezınde oqiǧa ornynan «Qazaqstanda ekstremistık dep tanylǧan jäne taratuǧa tyiym salynǧan materialdar tabylǧanyn da» habarlaǧan bolatyn.
