Almaty oblysynyŋ kiberpoliseilerı 170-ten astam internet-saitty būǧattady. Būl turaly Polisia.kz mälımdedı, dep habarlaidy “Adyrna” ūlttyq portaly.
Mälımet boiynşa, Işkı ıster ministrlıgınıŋ kiberqylmysqa, onyŋ ışınde internet-alaiaqtyqqa qarsy ıs-qimyl jönındegı baǧdarlamasy şeŋberınde Almaty oblysy polisiia departamentınıŋ kriminaldyq polisiia basqarmasy jyl basynan berı aitarlyqtai nätijelerge qol jetkızdı.
Jedel-ızdestıru ıs-şaralary barysynda türlı sipattaǧy 46 qylmystyq ıske qatysy bar 74 küdıktı anyqtaldy. Jūmys qorytyndysy boiynşa 117 qylmystyq ıs aiaqtalyp, sotqa joldandy, būl internet-qylmyskerlermen küreske baiypty közqarasty aiǧaqtaidy.
“Operasiia barysynda aqşa qarajattarynyŋ zaŋsyz ainalymymen ainalysqan 62 tūlǧa ūstaldy. Kiberkeŋıstıktıŋ tūraqty monitoringı nätijesınde alaiaqtyq äreketter jüzege asyrylǧan 177 jalǧan internet-saittardy būǧattauǧa mümkındık tudy. Sondai-aq, kiberqylmysqa küdıktı 56 adamnyŋ şottary jabylyp, zardap şekkenderge 36 mln 462 myŋ teŋge somadaǧy aqşalai qarajat qaitaryldy”, – dep tüiındedı Almaty oblysy PD KPB bastyǧynyŋ orynbasary Nūrjan Keŋeshanūly.
Kriminaldyq polisiia basqarmasy internet-alaiaqtyq salasyndaǧy qylmystardyŋ aldyn alu jäne aşu boiynşa belsendı jūmysyn jalǧastyruda. Oblys tūrǧyndary men qonaqtaryna onlain-satyp alular men qarjylyq operasiialardy jüzege asyru kezınde qyraǧylyq tanytuǧa, al küdık tuyndaǧan jaǧdaida dereu qūqyq qorǧau organdaryna jügınuge keŋes beredı.
Ūqsas jaŋalyqtar
