Jýrnalıst Lıýsı Kassa Polıtkovskaıa syılyǵyn aldy. Ol marapatqa Efıopııadaǵy azamattyq soǵysty qamtyǵan jáne beıbit turǵyndardy qýdalaý týraly jazǵan jumysy úshin qol jetkizgen, dep habarlaıdy "Adyrna" tilshisi dw agenttigine silteme jasap.
Bul syılyq soǵys pen qaqtyǵystardaǵy adam quqyqtaryn qorǵaýshy áıelderge beriletin Anna Polıtkovskaıanyń atyndaǵy Reach all Women in WAR (raw in WAR) uıymynan tabys etiledi.
Syılyq Lıýsıge "Efıopııadaǵy azamat soǵysy kezinde beıbit turǵyndarǵa jasalǵan qatygezdik týraly álemdi habardar etýge batyldyǵy men tabandylyǵy úshin, sondaı-aq Tıgraı áıelderine úlken qaýip tóngen kezde beıbitshilik pen ádilettilik úshin kúresti"degen ataqpen berildi.
Kassa shyǵarmashylyqtaǵy sońǵy úsh jylyn Efıopııadaǵy soǵys qurbandaryna arnaǵan. Sonymen qatar, ol qupııa konlagerler men myńdaǵan beıbit turǵyndardyń ashtyq pen aýrýdan qaıtys bolýy týraly ashyq aıtqan.
Efıopııalyq jýrnalıst jumysyna baılanysty únemi qysym men qaýip - qaterge anonımdi de, bılik ókilderi tarapynan da jıi tap bolady.
Lıýsı Kassa álemdik The Guardian, Al Jazeera, The Telegraph jáne Los Angeles Times gazetterinde shtattan tys jýrnalıst bolyp jumys isteıdi.
