Astanada jolauşylary bar avtobus poiyzǧa soqtyǧysty. Avtobus jol erejesın būzǧan. Būl turaly City Transportation Systems JŞS baspasöz qyzmetı mälımdedı, dep habarlaidy “Adyrna” ūlttyq portaly.
Aqparatqa süiensek, oqys oqiǧa 31 tamyz künı saǧat 21:40-ta Taiburyl köşesınen Üşqoŋyr köşesıne deiıngı baǧytta bolǧan.
Sondai-aq, Astanovka Telegram arnasynda avtobus jäne poiyzdyŋ qatysuymen bolǧan jol apatynyŋ videosy jariialanǧan. Videonyŋ sipattamasynda №30 marşruty boiynşa jüretın avtobustyŋ jürgızuşısı jol erejesın öreskel būzyp, teplovozben soqtyǧysqany turaly jazylǧan.№30 marşruty boiynşa jüretın avtobustyŋ jürgızuşısı jol qozǧalysy erejesın būzyp, temırjol ötkelınde jol belgılerı men baǧdarşamdy elemei, teplovozǧa soqtyǧysqan. Oqiǧa ornyna kelgen polisiia qyzmetkerı marşruttyq transport qūralynyŋ jürgızuşısıne qarsy äkımşılık hattama toltyrdy, – dep habarlady kompaniia ökılderı.
Al CTS baspasöz qyzmetı jürgızuşınıŋ jolauşylar kölıgın basqaru boiynşa 30 jyldyq täjıribesı baryn atap öttı. Ol №1 avtobus parkınde 10 jyldan berı jūmys ıstep keledı. Reis bastalmas būryn jürgızuşı medisinalyq tekseruden ötken. Sondai-aq kompaniia jol apaty kezınde eşbır jolauşy zardap şekpegenın aitty. Jürgızuşı jūmystan şettetılıp, CTS daiarlau ortalyǧyna qaita daiyndyqtan ötuge jıberıldı.
Astana qalalyq polisiia departamentınıŋ baspasöz qyzmetı Iveko avtobusynyŋ 53 jastaǧy jürgızuşısı Äkımşılık qūqyq būzuşylyq turaly kodekstıŋ 610-babynyŋ 1-bölıgı boiynşa äkımşılık jauapkerşılıkke tartylǧanyn aitty.
Atalǧan ıs boiynşa barlyq material Astana qalasynyŋ Äkımşılık qūqyq būzuşylyq ısterı jönındegı mamandandyrylǧan audanaralyq sotyna joldandy.
