"Ukraina - ūltşyldar elı". Putin maŋyndaǧylar mektepke arnap jaŋadan tarih oqulyǧyn şyǧardy

Oqulyqtyŋ bırneşe betınde Ukrainadaǧy soǧysqa qatysty arnaiy jazylǧan. Kıtaptaǧy jazylǧan mätınder men Reseidıŋ memlekettık organdary taratqan mämlelerdıŋ qandai da bır aiyrmaşylyǧy joq. Oqulyqta Reseidıŋ basqynşylyq äreketı "arnaiy äskeri operasiia" dep atalǧan.

"Ukraina - ūltşyl memleket. Bügınde Ukrainadaǧy kez kelgen qarsylyq qozǧalystary qataŋ türde qudalanady, oppozisiiaǧa tyiym salynady, barlyq orystardy dūşpan köredı", - delıngen oqulyqta.

Kelesı bette Reseige qarsy engızılgen sanksiialar jaily söz bolady. Oquşylarǧa mūndai sanksiialardyŋ "müldem zaŋsyz" ekendıgı täpsırlenedı.  Batys "Reseidıŋ aktivterın tıkelei ūrlap qana qoimai, ekonomikalyq qyspaqqa aldy" dep mälımdeidı. Batystaǧylardyŋ mūndai äreketı tübınde sätsız aiaqtalǧany taŋbalanady. Sondai-aq, avtorlar joǧary synyp oquşylaryna qarata eskertu jasaidy. Ukrainadaǧy soǧys turaly "jalǧan aqparattarǧa" ilanyp qalmauǧa şaqyrady.

"Saq bolyŋyz: "Nege, Nelıkten jäne Ne üşın?" dep oilanyŋyz.  Oppozisionerler", "qoǧamǧa tanymal adamdar","tanymal blogerler"... Olar kımnıŋ müddesı üşın jūmys ıstep jatyr. Mūny da bır sät eskerıŋız. Sonda sız arzan-qūrzan manipuliasiialardyŋ qūrbany bolmaisyz", - dep qorytyndylaidy oqulyq avtorlary.

"Adyrna" ūlttyq portaly