Túrkııa tarapynyń bastamasymen Vladımır Pýtın Túrkııa Respýblıkasynyń prezıdenti Rejep Taıyp Erdoǵanmen telefon arqyly sóılesti, dep habarlaıdy “Adyrna” ulttyq portaly.
Pýtın Erdoǵanǵa Reseıdegi qarýly kóterilis áreketi týraly aıtyp berdi. Al Túrkııa Respýblıkasynyń prezıdenti Reseı basshylyǵynyń qadamdaryn tolyq qoldaıtynyn bildirdi.
Kelissóz barysynda prezıdent Erdoǵan parasattylyqpen áreket etýdiń mańyzdylyǵyn atap ótti. Reseıdegi oqıǵalardan eshkim paıda kórmeýi kerektigi basa aıtyldy. Osy turǵyda prezıdent Erdoǵan Túrkııanyń beıbitshilik pen tynyshtyq jaǵdaıynda oqıǵalardyń tezirek sheshilýine úles qosýǵa daıyn ekenin aıtty, delingen habarlamada.
Erdoǵannyń Pýtındi qoldaıtynyn Kreml saıty ǵana habarlady. Erdoǵannyń resmı saıtynda bul týraly ázirge málimet joq.
Eske salaıyq, Reseı prezıdenti Pýtın Qazaqstan prezıdenti Qasym-Jomart Toqaevpen de telefon arqyly sóılesken bolatyn.
Óz kezeginde, Memleket basshysy “bul - Reseıdiń jeke máselesi ekenin” basa aıtty.
