Reseı prezıdenti keıbir strategııalyq shıkizatty syrtqy naryqqa jetkizýdi shekteý máselesin tapsyrdy, dep habarlaıdy "Adyrna" ulttyq portaly TASS-qa siltep.
Reseı prezıdenti Vladımır Pýtın úkimet keńesinde birneshe máseleni qozǵady. Ol taýarlardyń shektelip jatqanyn habarlady.
«Bizge birqatar taýarlardy jetkizý shektelip jatyr. Biz de belgili bir shekteý qoıýymyz kerek shyǵar? Ýran, tıtan, nıkel. Ózimizge zııan keltiretin eshteńe jasamańyzdar», — dedi Pýtın.
Pýtın Reseıdiń strategııalyq shıkizat qory boıynsha kóshbasshy ekenin atap ótti. Iaǵnı, tabıǵı gazdyń 22% derlik, altynnyń 23% jýyq jáne almazdyń 55%-ǵa tarta úlesi bar.
«Keı elderde strategııalyq qor qurylyp, basqa da sharalar qabyldanyp jatyr, jalpy, eger bul bizge zııan tıgizbese, onda oılanýǵa bolady (men muny erteń isteý kerek dep aıtpaımyn, biraq bul týraly oılanyńyzdar). Men ataǵan taýarlarǵa ǵana emes, keıbir basqalaryna da syrtqy naryqqa jetkizýge belgili bir shekteýler týraly aıtyp otyrmyn», — dedi ol úkimetke tapsyrmasynda.
