Astanalyq polisei äiel suǧa batyp bara jatqan balany basseinnen alyp şyǧyp, ömırın qūtqardy, dep habarlaidy “Adyrna” tılşısı Işkı ıster ministrlıgıne sılteme jasap.
«Oqiǧa elordadaǧy qoǧamdyq basseinderdıŋ bırınde boldy. Beinebaqylau kamerasyna adam ömırın saqtap qalǧan äserlı oqiǧa tüsıp qaldy. Kadrda qūtqaruşynyŋ su astynda es-tüssız jatqan balany qalai alyp şyqqany körsetılgen. Qūtqaruşy äiel adam şeber qimyldarymen jürek-ökpe reanimasiiasyn jasap, balaǧa qaita tynys aluǧa kömektesedı. Jedel järdem kelgennen keiın bassein qyzmetkerlerı kämeletke tolmaǧan balany därıgerlerge tapsyrdy», - delıngen taratqan habarlamada.
Sondai-aq kämelet jasyna jetpegen balanyŋ ömırın saqtap qaluǧa at salysqandarǧa ata-anasy alǧystaryn bıldırdı.
«Belgılı bolǧandai, bırden alǧaşqy medisinalyq kömek körsetken äiel Esıl audandyq ışkı ıster bölımınde anyqtauşy bolyp jūmys ısteitın Nazym Şärıpova eken. Sol künı ol otbasymen demalysta bolǧan. Onyŋ aituynşa, qūtqarylu sätı balaǧa ziian keltırmeu üşın erekşe kütımdı qajet etedı. Būl oqiǧa tötenşe jaǧdaidyŋ aldyn alu men adamdardyŋ ömırın saqtap qalu äreketı ekenın eske salatyn maŋyzdy oqiǧa boldy. Nazym Şärıpova qazaqstandyq poliseilerdıŋ jaqsy daiyndyǧyn jäne qiyn jaǧdailarda äreket etu qabıletın körsettı», - delıngen habarlamada.
Atap ötkendei, qazır balanyŋ ömırı men densaulyǧyna eşqandai qauıp tönıp tūrǧan joq.
Ūqsas jaŋalyqtar
