Aýdan ákimi sý tasqyny kezinde jaraqattanǵan qutqarýshyǵa alǵysyn bildirdi, dep habarlaıdy "Adyrna" tilshisi.
31 naýryz kúni Batys Qazaqstanda qutqarýshyǵa mas kúıinde er adam pyshaq suǵyp alǵan bolatyn. Ol aýdandyq aýrýhanaǵa jetkizilp, em alǵan.
1 sáýir kúni aýdan ákimi sý tasqynynyń aldyn alý kezinde jaraqat alǵan qutqarýshymen kezdesip, eren eńbegi úshin rızashylyǵyn bildirdi.
"Qazir aýdanymyz qıyn jaǵdaıda tur. Joǵarydan kelgen sý kólemi ábigerge salyp otyr. Biz jergilikti atqarýshy bılik tarapynan qoldan kelgen sharalardyń bárin qabyldap, jumystanýdamyz. Sý tasqynynyń aldyn alý sharalary kezinde oryn alǵan oqys oqıǵadan habardarmyn. El basyna kún týǵan shaqta qyzmettik boryshyńyzdy atqarý barysynda jasalǵa qylmystyq áreket eshbir aqtaýǵa kelmeıdi jáne zań aıasynda tıisti sharalar qabyldanýy kerek. Sizge sý tasqynynyń aldyn alý kezindegi eńbegińiz úshin, halyqpen birge bolǵanyńyz úshin alǵysymdy bildiremin. Tez saýyǵyp, qatarǵa qosylýyńyzǵa tilekshimin - dedi aýdan ákimi Aslanbek Ahmetollauly.
Qazirgi tańda zardap shekken Batyrbek Qapsıqovtyń jaǵdaıy birqalypty, dárigerler baqylaýynda.
