Foto Jİ kömegımen jasaldy
Prezident Qasym-Jomart Toqaev 16 jasqa tolmaǧan balalardyŋ äleumettık jelılerge tırkeluıne zaŋ jüzınde tyiym salu bastamasyn qoldaitynyn aitty, dep habarlaidy "Adyrna" tılşısı.
Būl turaly Prezident 26 tamyz künı ötken «Jaŋa Konstitusiia – bılım beru jüiesınıŋ strategiialyq negızı» atty tamyz konferensiiasynda aitqan.
Memleket basşysy jas ūrpaqtyŋ qauıpsız ortada ömır süruıne jaǧdai jasau qajettıgın atap öttı. Onyŋ aituynşa, mūndai şara älemnıŋ bırqatar elınde engızılıp jatyr.
«Eger tiıstı zaŋ qabyldansa, ony tolyq jüzege asyru tetıgın oilastyruymyz kerek. Qauqarsyz zaŋ eşkımge qajet emes», – dedı Qasym-Jomart Toqaev.
Prezident onlain-platformalar men būqaralyq aqparat qūraldaryna qatysty zaŋnamaǧa da erekşe nazar audarudy tapsyrdy. Onyŋ pıkırınşe, aqparat keŋıstıgınde azamattardyŋ qūqyqtary men zaŋdy müddelerın qorǧau üşın qosymşa şaralar qajet.
Sonymen qatar Memleket basşysy erekşe qajettılıgı bar balalardy qoldau mäselesıne toqtaldy. Ol mūndai balalardyŋ tolyqqandy bılım aluyna jaǧdai jasap, medisinalyq jäne äleumettık qyzmetterdıŋ sapasyn arttyru qajettıgın aitty.
Prezident erekşe qajettılıgı bar balalarǧa arnalǧan ortalyqtardy är oblys pen ırı audandardaǧy qalalarda salu kerektıgın atap öttı.
Sondai-aq Prezident Qasym-Jomart Toqaev energetika salasynyŋ tehnologiialyq tūraqtylyǧyn qamtamasyz etu jäne balamaly energiia közderın damytuǧa baǧyttalǧan zaŋ jobalaryn jedel qarastyru maŋyzdy ekenın aitty.
