AQSh soty Muhtar Áblıazovtyń BTA Bankten aqsha jymqyrǵanyn anyqtady, dep habarlaıdy «Adyrna» tilshisi.
Nıý-Iorktiń Ońtústik okrýgi boıynsha AQSh aýdandyq soty Djon G. Koeltl Triadou SPV S. A-ǵa qarsy shaǵymǵa oraı «BTA Banki» AQ paıdasyna 193 mln dollardan astam somaǵa sheshim shyǵardy.
Sot sheshimi alqabılerdiń 2022 jylǵy jeltoqsandaǵy úkiminen keıin shyqqany, oǵan sáıkes Triadou qarjy jymqyrǵany jáne zańsyz baıýy úshin jaýapqa tartylǵany atap ótildi.
«Sot BTA-nyń Triadou-ǵa qatysty senimgerlik menshikke jáne BTA qarajatyn paıdalaný arqyly alynǵan kez kelgen paıdaǵa qatysty talabyn qanaǵattandyrdy. Sondaı-aq BTA-nyń Triadou-dyń birqatar avtıvine qatysty talap aryzyn qabyldady»,— delingen habarlamada.
Sot jaýapker Triadou SPV - Áblıazovtyń kúıeý balasy Ilıas Hrapýnov qurǵan jáne baqylaıtyn jalǵan kompanııa ekendigin rastady. Kompanııa BTA-dan urlanǵan qarajat túrinde 70 mıllıonnan astam AQSh dollaryn alyp, ony Nıý-Iorktegi jáne Amerıka Qurama Shtattarynyń basqa jerlerindegi jyljymaıtyn múlikke ınvestıııa retinde salǵan.
«Sotta usynylǵan dálelder AQSh-taǵy Triadou atynan ınvestıııalanǵan qarajat Ábilıazovtyń basqa fronttyq kompanııa arqyly BTA-dan urlaǵan 115,3 mıllıon dollarǵa tikeleı qatysy bar ekenin kórsetedi»,—delindi sot qorytyndysynda.
