Ystambul prokýratýrasy jemqorlyq pen lańkestik uıymdarmen baılanys isi boıynsha 61 adamnyń qamaýǵa alynýyn talap etti, dep habarlaıdy "Adyrna" ulttyq portaly.
Túrkııalyq Halk TV arnasynyń málimetinshe, 23 naýryz kúni Astana ýaqytymen 07:35-te sot Imamoglýdy tergeýdi bastaǵan. Sot otyrysyna Imamoglýdyń jubaıy, uly jáne Túrkııadaǵy negizgi oppozıııalyq kúsh – Halyq-respýblıkalyq partııasynyń jetekshisi Ózgúr Ózel de qatysty.
Buǵan deıin ol ózine taǵylǵan barlyq aıyptardy joqqa shyǵarǵan bolatyn. Prokýratýra onyń qamaýǵa alynýyn talap etti.
Ystambuldyń qylmystyq soty prokýratýranyń Ekrem Imamoglýny tergeý aıaqtalǵanǵa deıin qamaýda ustaý týraly ótinishin qanaǵattandyrdy. Ony qamaýǵa alý sheshimin qabyldady. Ol jaqyn arada túrmege jetkiziledi.
Imamoglýǵa eki is boıynsha aıyp taǵylǵan. Birinshisi – merııadaǵy jemqorlyqqa, ekinshisi – terrorızmdi qarjylandyrýǵa qatysty. Degenmen, qazirgi tańda ol jemqorlyq isi boıynsha qamaýǵa alynǵan.
Onymen birge birqatar joǵary laýazymdy sheneýnikter, onyń ishinde merdiń keńesshisi Murat Ongýn jáne Stambuldyń Shıshlı aýdanynyń basshysy Emrah Shahan da qamaýǵa alyndy. Al keıbir kúdiktiler sot baqylaýymen nemese elden ketpeý týraly qolhatpen bosatyldy.
Jalpy alǵanda, jemqorlyq jáne terrorızm isteri boıynsha 92 adam tergelýde.
