Qazaqstan Respublikasynyŋ Mäjılıs deputaty Ermūrat Bapi jurnalist Nartai Aralbaiūlyna bergen sūhbatynda Nūrsūltan Nazarbaevta jürek toqtatatyn preparat bar ekenın aitty, dep habarlaidy “Adyrna” ūlttyq portaly.
Nartai Aralbaiūly deputatqa “Nazarbaevqa qatysty taǧy qandai qylmysyn bılesız?” dep sūrady.
Al Ermūrat Bapi būl öte qauıptı taqyryp ekenın, ony aita almaitynyn aitty.
Eger men sol taqyrypty köteruge daiyndalyp jürgenımdı bılse, men erteŋgı künı älde bır sebeptermen jüregım toqtap qaluy mümkın. Öitkenı, jürek toqtatatyn preparat Nazarbaevta bar, -dedı deputat.
“Sızdı öltırıp tastauy mümkın be?” degen jurnalist saualyna “men ǧana emes, sol taqyrypty qozǧandardy da” dep jauap berdı.
Men Balqaş Tūrsynbaevtyŋ aiaq asty ölıp qalǧanyna senbeimın. Prezidenttık sailaudyŋ aldynda bır ai būryn eşqaşan auyrmaǧan, eşqaşan jüregım demegen adam qaitys boldy. Astanaǧa keldı, bıreumen jolyqty, Almatyǧa qaitty, bır künde öldı. Ömırde türlı jaǧdailar bolady,ärine. Men küdıkşıl adammyn. Sondyqtan aiaq asty ölıp qalǧandarǧa küdıgım köp. Kezınde Şäikenov Qairat aiaq astynan öldı. Odan keiın Nazarbaevtyŋ dosy, kurstasy Naryqbaev aiaq astynan kettı? Myqty sportşy Nūrlan Balynbaev nege kettı? Sol siiaqty küdıkterım bar, - dedı Ermūrat Bapi.
Deputat 2008 jyly bilık oppozisiia belsendılerı men özın mämılege şaqyrǧandyǧyn aitty. Sondai-aq, oǧan sol knzde 5 million dollar ūsynǧan körınedı.
https://youtu.be/Egb1K1KV3-o
