قازاقستان رەسپۋبليكاسىنىڭ ءماجىلىس دەپۋتاتى ەرمۇرات باپي جۋرناليست نارتاي ارالبايۇلىنا بەرگەن سۇحباتىندا نۇرسۇلتان نازارباەۆتا جۇرەك توقتاتاتىن پرەپارات بار ەكەنىن ايتتى، دەپ حابارلايدى “ادىرنا” ۇلتتىق پورتالى.
نارتاي ارالبايۇلى دەپۋتاتقا “نازارباەۆقا قاتىستى تاعى قانداي قىلمىسىن بىلەسىز؟” دەپ سۇرادى.
ال ەرمۇرات باپي بۇل وتە قاۋىپتى تاقىرىپ ەكەنىن، ونى ايتا المايتىنىن ايتتى.
ەگەر مەن سول تاقىرىپتى كوتەرۋگە دايىندالىپ جۇرگەنىمدى بىلسە، مەن ەرتەڭگى كۇنى الدە ءبىر سەبەپتەرمەن جۇرەگىم توقتاپ قالۋى مۇمكىن. ويتكەنى، جۇرەك توقتاتاتىن پرەپارات نازارباەۆتا بار، -دەدى دەپۋتات.
ء“سىزدى ءولتىرىپ تاستاۋى مۇمكىن بە؟” دەگەن جۋرناليست ساۋالىنا “مەن عانا ەمەس، سول تاقىرىپتى قوزعانداردى دا” دەپ جاۋاپ بەردى.
مەن بالقاش تۇرسىنباەۆتىڭ اياق استى ءولىپ قالعانىنا سەنبەيمىن. پرەزيدەنتتىك سايلاۋدىڭ الدىندا ءبىر اي بۇرىن ەشقاشان اۋىرماعان، ەشقاشان جۇرەگىم دەمەگەن ادام قايتىس بولدى. استاناعا كەلدى، بىرەۋمەن جولىقتى، الماتىعا قايتتى، ءبىر كۇندە ءولدى. ومىردە ءتۇرلى جاعدايلار بولادى،ارينە. مەن كۇدىكشىل اداممىن. سوندىقتان اياق استى ءولىپ قالعاندارعا كۇدىگىم كوپ. كەزىندە شايكەنوۆ قايرات اياق استىنان ءولدى. ودان كەيىن نازارباەۆتىڭ دوسى، كۋرستاسى نارىقباەۆ اياق استىنان كەتتى؟ مىقتى سپورتشى نۇرلان بالىنباەۆ نەگە كەتتى؟ سول سياقتى كۇدىكتەرىم بار، - دەدى ەرمۇرات باپي.
دەپۋتات 2008 جىلى بيلىك وپپوزيتسيا بەلسەندىلەرى مەن ءوزىن مامىلەگە شاقىرعاندىعىن ايتتى. سونداي-اق، وعان سول كنزدە 5 ميلليون دوللار ۇسىنعان كورىنەدى.
https://youtu.be/Egb1K1KV3-o
