Deputat Maqpal Mysa QR Premer-ministrınıŋ orynbasary Eraly Toǧjanovha hat joldady

HHI ǧasyr aqparattyq jäne jaŋa tehnologiialar kezeŋı bolǧandyqtan, kıtaphana aqparat ortalyǧy retınde öz oqyrmandarynyŋ kez-kelgen sūranystaryna jauap bere alatyndai boluǧa tiıs.

Alaida köz janarynan aiyrylyp, ömır soqpaǧyna tüsken, ainalasyndaǧy älemdı sausaq ūşymen tanityn taǧdyrly zaǧip jandardyŋ köŋılıne demeu bolatyn qazaq tılındegı bederlı-nüktelı qarıptı kıtaptardyŋ joqtyǧy alaŋdatady.

Bügıngı taŋda elımızde osy sanattaǧy jandarǧa arnalǧan 1 respublikalyq, 7 oblystyq, 4 qalalyq arnaiy kıtaphanalar jäne 5 bölım qyzmet körsetedı. Respublika boiynşa arnaiy kıtaphanalarǧa soŋǧy jyldary tırkelgen janary älsız oqyrmandar sany – 18 128, zaǧip oqyrmandar sany – 13 545. Oǧan qosymşa köru qabıletı būzylǧan oquşylardyŋ sany - 8532. Al, zaǧip balalarǧa arnalǧan 11 arnaiy mektepte 1439 bala bılım aluda. Elımızdegı ındet ahualyna bailanysty būl sanattaǧy balalar bılımmen müldem qamtylmai otyr.

Mūnyŋ syrtynda ışten tynyp, taǧdyryna köndıkken qanşama auyldaǧy kömekke zäru bauyrlarymyz bar. Olardyŋ bärı memleket pen qoǧamnyŋ qoldauyna mūqtaj. Būl degenıŋız zaǧip jandar qazaq tılındegı ädebiet ataulydan maqūrym qaldy degen söz.

Arnaiy kıtaphananyŋ aqparat beretın negızgı quat közı - bederlı-nüktelı qarıptegı (Brail jüiesındegı) kıtaptar. Bıraq elımızde mūndai kıtaptardy basyp şyǧaratyn baspahana bolmaǧandyqtan, olar basqa elderden Brail oqulyqtaryn satyp aluǧa mäjbür.

Mäselen, reseilık «ChU İPO Chtenie VOS», «Logos» jäne «MİPO Repro» baspahanalarynan orys tıldegı kıtaptar qymbat baǧada satyp alynuda.

«Nur Otan» partiiasynyŋ «Özgerıster joly: Är azamatqa laiyqty ömır!» atty sailaualdy baǧdarlamasynda «Mümkındıkterı şekteulı adamdardyŋ teŋ qoljetımdılıgın qūru jäne äleuetın asyru üşın, 2025 jylǧa deiın közı körmeitın jäne naşar köretın azamattarǧa arnalǧan memlekettık tıldegı kıtaphanalar qory 10%-ǧa ūlǧaitylatyn bolady» dep naqty körsetılgen. Mūnyŋ şeşımı ärine, baspahana aşu mäselesıne tırelıp tūr.

Bırınşıden, Qazaqstan Respublikasynyŋ Bılım jäne ǧylym ministrlıgı közı körmeitın zaǧip jandarǧa jalpy jabdyqtalǧan bılım mazmūnyna säikes arnaiy individualdy qajettılıkterdı öteitın bılım beru baǧdarlamasyn äzırleu qajet.

Ekınşıden, Qazaqstan Respublikasynyŋ Bılım jäne ǧylym ministrlıgı pedagogikalyq kolledjder men universitetter aiasynda zaǧip jandarmen jūmys jasaityn tiutr, kurator, kıtaphanaşy sonymen qatar eŋ aiaǧy deneşynyqtyru sabaǧyna deiın barlyq pän mūǧalımderın iaǧni arnaiy pedagogikalyq mamandardy äzırleu baǧdarlamasyn jäne olarǧa memlekettık tapsyrys mehanizmın engızuı maŋyzdy.

Üşınşıden, Mädeniet jäne sport ministrlıgı zaǧip jandarǧa arnalǧan qalalyq, oblystyq, respublikalyq arnaiy kıtaphanalarda memlekettık tıldegı brail jüiesımen bederlı-nüktelı qarıptegı älıppe, kıtaptar taǧy da basqa oqu resurstarymen qamtamasyz etudı qolǧa alǧan jön.

Osyǧan orai joǧaryda aitylǧandardy nazarǧa ala otyryp, Qazaqstanda bederlı-nüktelı qarıpte (Brail jüiesımen) kıtaptar şyǧaratyn önerkäsıptık auqymdaǧy baspahana aşu qajet.

Aqparat jäne qoǧamdyq damu ministrlıgı baspahananyŋ negızınde memlekettık tıldegı merzımdı basylymdardy da şyǧaryp otyrudy nazarǧa alǧan jön.

Konstitusiiada barlyq adamdarǧa teŋ qūqyq beru közdelgenın eskersek, qazırgı taŋdaǧy qolǧa alyp jatqan inkliuzivtı bılım beru zaŋ negızınde arnaiy bılım aludaǧy bılım qajettılıkterı bar, densaulyǧyna bailanysty mümkındıgı şekteulı azamattardy memleket tarapynan qamqorlyqqa alyp, olardyŋ Konstitusiiamen belgılengen bılım beru qūqyǧyn qamtamasyz etuımız qajet.