Qazaqstan Respýblıkasy Parlamenti Májilisiniń YII-shaqyrylym depýtaty Maqpal Mysa, Qazaqstan Respýblıkasy Premer-Mınıstriniń orynbasary Eraly Toǵjanovqa hat joldady, dep habarlaıdy "Adyrna" tilshisi. Bul týraly Maqpal Mysa óz Facebook paraqshasynda jarııalaǵan bolatyn.
"Búgin Májiliste maquldanǵan ınklıýzıvti bilim berý zań jobasyna qatystyQazaqstan RespýblıkasyPremer – Mınıstriniń orynbasaryE.L. Toǵjanovqa hat joldadym.
HHI ǵasyr aqparattyq jáne jańa tehnologııalar kezeńi bolǵandyqtan, kitaphana aqparat ortalyǵy retinde óz oqyrmandarynyń kez-kelgen suranystaryna jaýap bere alatyndaı bolýǵa tıis.Alaıda kóz janarynan aıyrylyp, ómir soqpaǵyna túsken, aınalasyndaǵy álemdi saýsaq ushymen tanıtyn taǵdyrly zaǵıp jandardyń kóńiline demeý bolatyn qazaq tilindegi bederli-núkteli qaripti kitaptardyń joqtyǵy alańdatady.Búgingi tańda elimizde osy sanattaǵy jandarǵa arnalǵan 1 respýblıkalyq, 7 oblystyq, 4 qalalyq arnaıy kitaphanalar jáne 5 bólim qyzmet kórsetedi. Respýblıka boıynsha arnaıy kitaphanalarǵa sońǵy jyldary tirkelgen janary álsiz oqyrmandar sany – 18 128, zaǵıp oqyrmandar sany – 13 545. Oǵan qosymsha kórý qabileti buzylǵan oqýshylardyń sany - 8532. Al, zaǵıp balalarǵa arnalǵan 11 arnaıy mektepte 1439 bala bilim alýda. Elimizdegi indet ahýalyna baılanysty bul sanattaǵy balalar bilimmen múldem qamtylmaı otyr.Munyń syrtynda ishten tynyp, taǵdyryna kóndikken qanshama aýyldaǵy kómekke zárý baýyrlarymyz bar. Olardyń bári memleket pen qoǵamnyń qoldaýyna muqtaj. Bul degenińiz zaǵıp jandar qazaq tilindegi ádebıet ataýlydan maqurym qaldy degen sóz.Arnaıy kitaphananyń aqparat beretin negizgi qýat kózi - bederli-núkteli qariptegi (Braıl júıesindegi) kitaptar. Biraq elimizde mundaı kitaptardy basyp shyǵaratyn baspahana bolmaǵandyqtan, olar basqa elderden Braıl oqýlyqtaryn satyp alýǵa májbúr.Máselen, reseılik «ChÝ IPO Chtenıe VOS», «Logos» jáne «MIPO Repro» baspahanalarynan orys tildegi kitaptar qymbat baǵada satyp alynýda.«Nur Otan» partııasynyń «Ózgerister joly: Ár azamatqa laıyqty ómir!» atty saılaýaldy baǵdarlamasynda «Múmkindikteri shekteýli adamdardyń teń qoljetimdiligin qurý jáne áleýetin asyrý úshin, 2025 jylǵa deıin kózi kórmeıtin jáne nashar kóretin azamattarǵa arnalǵan memlekettik tildegi kitaphanalar qory 10%-ǵa ulǵaıtylatyn bolady» dep naqty kórsetilgen. Munyń sheshimi árıne, baspahana ashý máselesine tirelip tur.Birinshiden, Qazaqstan Respýblıkasynyń Bilim jáne ǵylym mınıstrligi kózi kórmeıtin zaǵıp jandarǵa jalpy jabdyqtalǵan bilim mazmunyna sáıkes arnaıy ındıvıdýaldy qajettilikterdi óteıtin bilim berý baǵdarlamasyn ázirleý qajet.Ekinshiden, Qazaqstan Respýblıkasynyń Bilim jáne ǵylym mınıstrligi pedagogıkalyq kolledjder men ýnıversıtetter aıasynda zaǵıp jandarmen jumys jasaıtyn tıýtr, kýrator, kitaphanashy sonymen qatar eń aıaǵy deneshynyqtyrý sabaǵyna deıin barlyq pán muǵalimderin ıaǵnı arnaıy pedagogıkalyq mamandardy ázirleý baǵdarlamasyn jáne olarǵa memlekettik tapsyrys mehanızmin engizýi mańyzdy.Úshinshiden, Mádenıet jáne sport mınıstrligi zaǵıp jandarǵa arnalǵan qalalyq, oblystyq, respýblıkalyq arnaıy kitaphanalarda memlekettik tildegi braıl júıesimen bederli-núkteli qariptegi álippe, kitaptar taǵy da basqa oqý resýrstarymen qamtamasyz etýdi qolǵa alǵan jón.Osyǵan oraı joǵaryda aıtylǵandardy nazarǵa ala otyryp, Qazaqstanda bederli-núkteli qaripte (Braıl júıesimen) kitaptar shyǵaratyn ónerkásiptik aýqymdaǵy baspahana ashý qajet.Aqparat jáne qoǵamdyq damý mınıstrligi baspahananyń negizinde memlekettik tildegi merzimdi basylymdardy da shyǵaryp otyrýdy nazarǵa alǵan jón.Konstıtýııada barlyq adamdarǵa teń quqyq berý kózdelgenin eskersek, qazirgi tańdaǵy qolǵa alyp jatqan ınklıýzıvti bilim berý zań negizinde arnaıy bilim alýdaǵy bilim qajettilikteri bar, densaýlyǵyna baılanysty múmkindigi shekteýli azamattardy memleket tarapynan qamqorlyqqa alyp, olardyń Konstıtýııamen belgilengen bilim berý quqyǵyn qamtamasyz etýimiz qajet.
Bul másele «Nur Otan» partııasynyń jiti baqylaýynda bolmaq", delingen.
"Adyrna" ulttyq portaly
