Medisinalyq saqtandyru qory Qaraǧandy oblysynda Diuşen būlşyqet distrofiiasy bar tört balany emdeuge 414 million teŋgeden astam qarajat böledı.
Diuşen būlşyqet distrofiiasy – distrofin aquyzynyŋ öndırısın kodtaityn gendegı mutasiiadan tuyndaityn sirek auru. Būl būlşyqet talşyqtarynyŋ jetıspeuşılıgıne äkeledı, olar älsıreidı jäne zaqymǧa sezımtal bolady.
Qaraǧandy oblysynda būl auruǧa tört bala şaldyqqan. Olardyŋ ekeuı, 16 jäne 17 jasta, Qalalyq alǧaşqy medisinalyq-sanitarlyq kömek ortalyǧynda esepte tūr. Olar būlşyqet tınderın qalpyna keltıruge jäne qozǧalys belsendılıgın ūzartuǧa baǧyttalǧan em alady. Emdeu üşın qoldanylatyn negızgı därılerdıŋ bırı – "Ataluren", ol būlşyqet talşyqtaryn qalpyna keltıredı. Osy jyly emhanalar jalpy qūny 414 mln teŋgeden asatyn osy qarajattyŋ 4,5 myŋǧa juyq qūtysyna tapsyrys bergen. Aurudan tolyq aiyǧu mümkın emes.
– Emdeu osyndai pasientterdıŋ ömır süru sapasyn jaqsartuǧa baǧyttalǧan. Terapiia pasientterdıŋ qozǧalys belsendılıgın ūzartatyn, sondai-aq būlşyqet küşı men jürek-ökpe qyzmetın jaqsartatyn qabynuǧa qarsy immunomoduliasiialyq agentterdı qamtidy, – deidı qalalyq MSAK ortalyǧynyŋ bas pediatry Olga Kononova. – Būl jerde ata-analardyŋ därı-därmekterdı qabyldau rejimın saqtauy, jıberıp almauy öte maŋyzdy. Därı-därmekterdı toqtatu nauqastyŋ jaǧdaiynyŋ naşarlauyna äkeledı.
Diuşen būlşyqet distrofiiasy bar nauqastar tegın medisinalyq kömektıŋ kepıldık berılgen kölemı şeŋberınde qajettı därı-därmektermen qamtamasyz etıledı.
Ūqsas jaŋalyqtar
