Ótken kúndegi eki oqıǵa kádimgideı eseńgiretti. Ekeýi elimizdegi balalardyń jaǵdaıyn áshkere etkendeı, balalarymyz úshin elimiz qaýipsiz el emes ekeni anyq kórindi.
Birinshisi, Saryaǵashtaǵy oqıǵa. Bes jasar qyzdyń taǵdyry. Bul elimizdiń quqyq qorǵaý organdarynyń bylyqqa batqanynyń nátıjesi. Biraz, jurt atý jazasyn engizý týraly aıtyp jatyr. Engizý kerek ondaı azǵyndarǵa. Biraq, odan da mańyzdy dúnıe bar.
Ol quqyq qorǵaý salasyndaǵy ádilettilik. Oılańyzshy, buryn bir ret adam óltirip sottalǵan adam, ekinshi ret bireýdi baltalap tastasa, ony úsh jylǵa shartty jazaǵa kesip bosata salý qandaı logıkaǵa, qandaı ádiletti zańǵa sııady?
Erteń ólim jazasyn engizgen kúnde áli jetken, baılanysy jetken qutylyp ketpesine kim kepil? Zań tek álsizder úshin ǵana iske asyp, baılanysy bar nemese aqshaly adam bilgenin istep júre berse qalaı el bolamyz...
Aıtpaqshy, bizdiń elde qolynan kelse qonyshynan basýdy durys sanaıtyndar kóp. Bir juldyzsymaqtyń balasy jalǵan qujat jasap, UBT-ǵa kirse qolynan kelse istesin, ne kóre almaısyńdar deıtin. Bir, juldyzsymaq esirtkige toıyp alyp, mashına aıdasa erkeligińdi kóteretin halqyń qalmapty dep kúńirenetin qaýyp tursa qandaı quqyqtyq el, qandaı ádiletti Qazaqstan bolamyz?
Ekinshisi, Almatydaǵy 7 jasar qyzdyń ólimi. 10 shilde kúni Almatyda jeti jasar qyzdy ógeı sheshesi dárethanaǵa baryp úlgermeı, úlken dáretin jiberip qoıǵany úshin jýynatyn bólmede aıaýsyz uryp qatygezdikpen óltirgen. Sonda qoıǵan kinási bólmeni lastaǵany bolǵan. Qaıtys bolǵan kishkentaı qyzdyń ákesi qarapaıym aýla sypyrýshy bolyp jumys isteıdi, áıelinen 15 jas kishi deıdi.
Jýynatyn bólmede uryp-soǵyp, ólimshi etip sabaǵan. Qyzdyń aıaǵy men qoly súıekteri synǵan, basy jarylǵan, denesiniń bári kógergen, azappen kóz jumǵan. Eń aıanyshtysy buǵan deıin de kórshiler balanyń kómek surap jylaıtynyn aıtyp, birneshe ret polıııaǵa júgingen, sońǵy ret mamyr aıynda tártip saqshylary shaqyrylǵan, biraq Bostandyq aýdanynyń ýchaskelik polıııa qyzmetkeri eshteńe istemegen deıdi. Mine, taǵy da polıııanyń kinási bar. Quqyq qorǵaý salasynyń jaýapsyzdyǵy.
Al, uryp óltirgen kúdikti ógeı sheshe Baljan Turlybek degen qoǵam belsendisi eken. Ony bir saıttar "qoǵam qaıratkeri" dep jazyp taratyp jatyr. "Qaıratker" degen sózdi de qor qyldy-aý, ábden. Kim kóringennen qaıratker jasaımyz. Kókbetten - tulǵa, dúleıden - batyr, shaıpaýdan zııaly jasap alatyn qoǵamǵa aınaldyq.
Ol da erteń aqtalyp ketse tańǵalmaımyz. Bizde bári múmkin ókinishke oraı.
Eń qıyny, dál osy eki oqıǵadan balalarymyz qaýipsiz emes ekenin kóremiz. Bárimiz bitpes qý tirliktiń sońyndamyz. Úıge qamasań telefonnan ózge ermegi joq, ondaǵy tárbıeniń ońbaı turǵany da aqıqat.
Al, bir ýaqyt dalaǵa shyqsa, aýa jutyp bala bop oınap shyqsa, birge shyqpaı taǵy bolmaıdy. Qorqynyshty.
Zań ústemdik quryp, quqyqtyq elge aınalmaı bári beker. Ádiletti qoǵam ornatýǵa bárimiz muqtajbyz.
Al, bılik soǵan talpynǵandardy qýdalaıdy, qýǵyndaıdy. Myna jerde bylyq bar, bylaı túzeteıik degen adamdy jaý kóredi. Ishki kýhnıaǵa kirgizbeýge tyrysady. Bulaı qalaı el bolamyz?
Qatygezdik sonsha asqynyp ketti, nege?
Zańsyzdyq sonsha beleń alyp ketti, nege?
Júrekter nege sonsha qataıyp ketti?
Ádelttilikti ár birimiz talap etýge mindettimiz!
Ár birimiz jemqorlyqpen kúresýge mindettimiz!
Ár birimiz quqyqtyq el bolýǵa áreket jasaýǵa mindettimiz!
Ár birimiz qoǵamdaǵy ár balaǵa qamqor bolýǵa mindettimiz!
Ár birimiz zańdy saqtaýǵa, saqtatýǵa áreket etýge mindettimiz!
Áıtpese, el bolmaımyz!!!
