Aqtöbe oblysynyŋ Temır audanynda Aqsai auyldyq okrugı äkımdıgınıŋ bas mamany alaiaqtyq jasaǧany üşın sottaldy. Būl turaly "Diapazon" jariialady, dep habarlaidy “Adyrna” ūlttyq portaly.
Sottaluşy atqaratyn qyzmetı boiynşa ekınşı qol qoiu qūqyǧyna ie bolǧan, sonymen qatar auyldyq okrug äkımınıŋ elektrondy sifrlyq qoltaŋbasyn (ESQ) özımen bırge alyp jürgen.
Ol 2020 jyldyŋ säuırınen 2022 jyldyŋ jeltoqsanyna deiın äkımnıŋ ESQ-sy arqyly biudjet aqşasyn ūrlap, memleketke 14 million teŋgeden astam şyǧyn keltırgen, - delıngen aiyptau aktısınde.
Onyŋ 3 milliony auyl äkımdıgı qyzmetkerlerınıŋ ıssapar şyǧyny men jalaqysyn töleuge arnalǧan. Ol serıktestıktermen jäne jeke käsıpkerlermen zaŋsyz kelısımşart jasasyp, biudjettıŋ taǧy bır bölıgın jymqyrǧan.
Sondai-aq, Temır audandyq soty ony 4 jylǧa bas bostandyǧynan aiyruǧa ükım şyǧaryp, ūrlanǧan milliondardy memleketke qaitaruǧa mındettedı.
