Aqtöbe oblysy, Alǧa audany, Tamdy kentı maŋynda jappai jol-kölık oqiǧasy oryn aldy, dep habarlaidy "Adyrna" ūlttyq portaly.
2026 jylǧy 10 aqpan saǧat 10:45 şamasynda respublikalyq maŋyzy bar KAZ09 «Aqtöbe – Qandyaǧaş – Dossor – Atyrau – RF şekarasy (Qūrmanǧazy ö/p)» avtomobil jolynda jappai jol apaty boldy.
Aldyn ala mälımetter boiynşa, jük kölıgınıŋ jürgızuşısı joldaǧy kedergını baiqap, qozǧalysyn ışınara toqtatqan. Sonyŋ saldarynan bır baǧytta kele jatqan 11 kölık apatqa ūşyrap, soqtyǧysu oryn alǧan.
Oqiǧaǧa bailanysty 10 aqpan künı saǧat 11:30-dan bastap atalǧan avtojoldyŋ 11–337 şaqyrym aralyǧynda kölıktıŋ barlyq türı üşın qozǧalys uaqytşa şekteldı. Qazırgı taŋda apat ornynda 7 bırlık arnaiy tehnika jūmys ıstep jatyr: 2 keşendı jol maşinasy, 2 tiegış jäne 3 MTZ tehnikasy.
Oqiǧaǧa bailanysty äleumettık jelıde Mälık Oraqov esımdı qoldanuşy:
"Aqtöbede boran keşe keşkısın bastaldy. Joldardy jappai ma?
112 habardy keşe berdı. Eşqandai jol jabylǧan joq. Nätijesı mynau endı!
Myna jūrttyŋ obaly kımge?!
MAİ qyzmetkerlerı bolsa, qalanyŋ ışınde qoldaryna alkotest ūstap alyp, ötken ketken maşinalardy toqtatumen bolyp jür", - dep jazba jariialaǧan.
