Aqtóbe oblysynyń Qandyaǵash qalasynda burynǵy ımam, qazirgi teolog áıeline zorlyq-zombylyq kórsetip, týystarymen aralastyrmaı qoıǵan. Bul týraly aqparatty áıeldiń sińlisi áleýmettik jelide taratqan, dep habarlaıdy “Adyrna” ulttyq portaly.
Instagram-daǵy abdulla_kz_kz paraqshasynda jazǵandaı, sińlisiniń aıtýynsha, jezdesi ápkesine biryńǵaı jyndar men tozaq týraly áńgime aıtyp, ony adam tanymastaı ózgertip tastaǵan. Zorlyq-zombylyqqa ushyraǵan kelinshek aýyryp qalǵan. Al kúıeýi medıınalyq qyzmetke júginbeı, din jolymen emdemekshi bolyp, jaǵdaıyn odan ary nasharlatqan.
“Sap-saý ápkemdi jezdem uryp, jyndy etip qoıdy. Ápkemniń túk jazyǵy joq edi. Óte jýas bolatyn. Tipti, dindi jaqsy ustanady. Bóten er adamdarmen sóılespeıtin. Joldasy mektep kezindegi dostarymen sóılesýge tyıym salǵan. Týystary bar chattan shyǵaryp jibergen. Ápkem erine baǵynǵan ınabatty kelinshek boldy. Al sońynda ózi dalada qaldy”, - deıdi sińlisi.
