Ortalyq saılaý komıssııasy. Tasmaǵambetovtyń qujattaryn qaraımyz

2042
Adyrna.kz Telegram

Ortalyq saılaý  komıssııasy prezıdenttikke kandıdattardy respýblıkalyq qoǵamdyq birlestikter usynatynyn aıtty

 Ortalyq saılaý komıssııasynyń múshesi Záýresh Baımoldına dıplomatııalyq qyzmetke baılanysty qazir Qazaqstanda turmaıtyn elshi Imanǵalı Tasmaǵambetov saılaýǵa túse ala ma degen saýalǵa jaýap berdi, dep habarlaıdy Sputnik Qazaqstan tilshisi.

BAQ ókilderi Záýresh Baımoldınadan Qazaqstannyń Reseıdegi elshisi Imanǵalı Tasmaǵambetov kezekten tys prezıdent saılaýyna qatysa ala ma dep surady.

"Eger respýblıkalyq qoǵamdyq birlestik onyń kandıdatýrasyn usynsa, qujattaryn qaraıtyn bolamyz", - dedi ol OSK otyrysynan keıin.

Ol Konstıtýııa boıynsha Qazaqstannyń ár azamaty saılaýǵa qatysýǵa nemese daýys berýge quqyly ekenin atap ótti.

"Prezıdenttikke kandıdattardy usyný quqyǵy respýblıkalyq qoǵamdyq birlestikterge tıesili. Olar kimdi usynatynyn ózderi sheshedi. Úmitkerlerdi usyný 28 sáýir saǵat 18:00-ge deıin jalǵasady. Ortalyq saılaý komıssııasy bes kún ishinde úmitkerdiń Qazaqstan zańnamasynda kórsetilgen talaptarǵa sáıkestigin anyqtaıdy", - deıdi ol.

Elshilerdiń saılaýǵa túsýge quqyǵy bar ma degen saýalǵa bylaı dep jaýap berdi.

"Birinshiden, elshi saıası memlekettik qyzmetshi bolyp sanalady. Eger ol kandıdat barlyq talapqa sáıkes kelse, ıaǵnı jasy qyryqtan  asqan, týmysynan Qazaqstan azamaty, memlekettik qyzmette 5 jyldan kem emes jumys tájirıbesi bar, sottylyǵy joq, jemqorlyq qylmysyn jasamaǵan, osynyń bári eskeriledi", - dedi Baımoldına.

OSK múshesi buǵan deıingi prezıdent saılaýynda dıplomatııalyq qyzmetker bolǵan Ǵanı Qasymovtyń kandıdat bolǵanyn atap ótti.

"Kandıdattyń qujattaryn kórmeı jatyp, naqty jaýap bere almaımyn. Ortalyq saılaý komıssııasy alqalyq jıynda úmitkerdiń talaptarǵa sáıkestigin qarap, sheshim shyǵarady", - dedi ol.

 

Pikirler