19 şıldede «Otbasy» bankı «Ūmai» äielder ipotekasyna ötınış qabyldaudy jalǧastyrady. Būl baǧdarlamany paidalanyp, Astana, Almaty, Aqtau jäne Atyraudan basqa Qazaqstannyŋ kez kelgen qalasynda baspana satyp aluǧa bolady. Būl qalalarda päter satyp alu limitı tausylǧan, sondyqtan «Ūmai» baǧdarlamasyna qatysuşylar būl jerden şarşy metrdı satyp ala almaidy, dep habarlaidy "Adyrna" portaly.
«Ūmai» tūrǧyn üidı nesielendıru baǧdarlamasy Qazaqstanda üşınşı jyl jūmys ısteidı. Būl «Otbasy» bankı men Aziia damu bankınıŋ (ADB) bırlesken jobasy. Biyl üşınşı tranş aiasynda ony jüzege asyruǧa 15,6 mlrd teŋge bölındı. Ötınımderdı qabyldau 2023 jyldyŋ 10 mamyrynda bastala salyp, sol künı tüsten keiın bölıngen aqşanyŋ limitı tausyldy.
Jalpy, būl künı bank 15,6 mlrd teŋge somaǧa 1000-ǧa juyq ötınıştı qabyldady.
«Baǧdarlamaǧa qatysuǧa ötınış bergen kezde klient tūrǧyn üidı satyp aludyŋ boljamdy somasyna nesiege aldyn ala maqūldau sertifikatyn alady. Būl soma bırden klient üşın saqtalady. Būl sertifikat bır aiǧa jaramdy. Osy uaqyt ışınde klient baspana tauyp, ony baǧalap, tölem qabılettılıgın rastap, nesie aluǧa ötınış beruı kerek», - dep tüsındırdı «Otbasy bankı».Bıraq barlyq klientter sertifikattaryn uaqytynda paidalanbady. Bır aidan keiın köbınde «küiıp kettı». Keibır klientter päterdı satyp aludy keiınge qaldyrudy şeşıp, öz oiyn özgertken nemese laiyqty päter tappaǧan boluy mümkın. Būl rette bıreuler üşın bır ai boiy jaramdy bolǧan qarajat qūrdymǧa ketse, al qalǧandary ony paidalanyp, öz baspanasyn satyp alyp ülgerdı. Mäselen, biylǧy jyly berılgen ötınışterdıŋ ışınde 400-ge juyq klient sertifikatty uaqytynda paidalanbaǧan nemese ötınışterın mülde joiǧan. Dese de, sol uaqytta «Ūmai» baǧdarlamasynyŋ 570 qatysuşysy laiyqty baspana tauyp, nesie berıp, qonys toiyn toilap ülgerdı. Taǧy 32 ötınım qarastyryluda. Būl olarǧa jaqyn arada nesie berılıp, jaŋa baspana ielerınıŋ qatary köbeiedı degen söz.
«Äielderdı baspanamen qamtamasyz etu baǧdarlamasy boiynşa keibır klientter nesienı paidalanbaǧandyqtan, bankte üşınşı tranştan «bos» 8 mlrd teŋge qalǧan. Sondyqtan bailanys ortalyǧynyŋ operatorlary bank saitynda būryn «Ūmai» baǧdarlamasyna qatysuǧa ötınım qaldyrǧan, bıraq qatysuşylar pulyna kıruge ülgermegen klientterge telefon soqqan. Nätijesınde jalpy nesie somasy 2 mlrd teŋgege taǧy 188 adam taŋdaldy», - dep tüsındırdı Otbasy bankı.«Otbasy bank» menedjerlerı qoŋyrau şalǧan baqytty jandardyŋ bırı – Qaraǧandy qalasynyŋ tūrǧyny Iŋkär Älmaǧambetova. Ol mūǧalım bolyp jūmys ısteidı, küieuımen bırge ekı bala tärbielep otyr. «Ūmai» baǧdarlamasy boiynşa atalǧan otbasy üş bölmelı päter satyp aldy. Tūrǧyn üi mektepke jaqyn ornalasqan, būl balalarǧa öte yŋǧaily.
«Bız 10 mamyrda «Ūmai» baǧdarlamasyna qatysuǧa ötınım berdık, bıraq bızge barlyq qarajat jūmsalyp ketkenın habarlady. Keiınnen bızge bankten qoŋyrau şalyp, baǧdarlamaǧa qatysa alatynymyzdy habarlady. Basynda bız senbedık, öitkenı qazır alaiaqtar köp. Al men «Otbasy bankıne» özım telefon soqqanda, būl aqparat rastaldy, ärine, quanyşymyzda şek bolmady», - dep bölıstı Iŋkär Älmaǧambetova.Äiel adam bankten nesie boiynşa maqūldamany tez alǧanyn, sodan keiın olar da tez arada laiyqty päter tapqanyn aitty.
«Baǧdarlama maǧan qatty ūnady, öitkenı bastapqy jarna onşa ülken emes. Sonymen qatar, basqa banktermen salystyrǧanda jyldyq mölşerleme qolaily», - dep qosty ol.Endı «Ūmai» baǧdarlamasyna qosymşa 400-450 qazaqstandyq qyz-kelınşekter taǧy da qatysuǧa mümkındık alady. 2023 jyldyŋ 13 mamyryndaǧy jaǧdai boiynşa bölıngen üşınşı tranş aiasynda bankte taǧy 6 mlrd teŋge qaldy. Sondyqtan äielder baǧdarlamasyna qatysuǧa ötınışterdı qabyldaudy 2023 jyldyŋ 19 şıldesınde saǧat 9:00-de qaita bastau turaly şeşım qabyldandy.
"Qazaqstandyq äielderdıŋ oilanyp, mümkındıkterın saralap, şeşım qabyldauǧa uaqyty bar. "Otbasy bankınıŋ" kez kelgen bölımşesıne jügınıp, nesiege aldyn ala kelısımdı bırden aluǧa bolady. Astana, Almaty, Aqtau jäne Atyrau qalalaryn qospaǧanda, eldegı kez kelgen qaladan baspana satyp aluǧa bolatynyn bılu maŋyzdy. Būl qalalarda tūrǧyn üi satyp aluǧa limit tausylǧan, - dep eske saldy «Otbasy» bankı.Aziia damu bankınıŋ şarttary boiynşa Astana, Almaty, Aqtau jäne Atyrau qalalarynda tūrǧyn üi satyp aluǧa berılgen nesielerdıŋ jalpy sanynyŋ 40 paiyzynan aspaityn limit belgılendı. Al bügınde būl qalalarda jyljymaityn mülık satyp aluǧa qajettı nesieler sany berılgen. Nesienıŋ qalǧan 60 paiyzy oblys ortalyqtary men şaǧyn qalalardan şarşy metr satyp aluǧa berıluı kerek. Būl öŋırlerde tūratyn äiel adamdardy qoldau jäne nesieleude disproporsiiany boldyrmau maqsatynda jasaldy. «Ūmai» baǧdarlamasy boiynşa satyp alynatyn baspananyŋ şektı qūny 30 million teŋgeden aspauy tiıs. Osy jyly paiyzdyq mölşerleme 14,4%-dy (JTSM 15,4%-dan) qūrady, keiınnen 3,5%-5%-ǧa deiın tömendedı (JTSM 3,6%-dan). İpotekalyq nesienıŋ merzımı 6 aidan 25 jylǧa deiın. Būl rette baspana taŋdauda eşqandai şekteuler joq. Nesieler qaitalama naryqtan tūrǧyn üi satyp aluǧa da berıledı, sonyŋ ışınde ülestık qatysu şarty boiynşa da aluǧa bolady. Sondai-aq, baǧdarlama boiynşa päterdı jöndeu jūmystary üşın 3,7 mln teŋgege deiın nesie ala alasyz.
«Äleuettı qaryz aluşynyŋ otbasynyŋ ailyq tabysy 550 myŋ teŋgeden aspaityn bolsa, onda ol «Ūmai» baǧdarlamasy boiynşa 15 paiyzdyq bastapqy jarnany töleu arqyly nesie ala alady. Kırıs 550 myŋ teŋgeden 640 myŋ teŋgege deiın bolsa, baspana qūnynyŋ 20 paiyzyn tölep nesie aluǧa bolady», - dep «Otbasy bankı» baǧdarlamanyŋ şarttaryn eske saldy.Yntymaqtastyq barysynda ADB genderlık jobaǧa 38 mlrd teŋge böldı. Äielder baǧdarlamasy ıske qosylǧan 2021 jyly, bırınşı tranş aiasynda 954 qazaqstandyq äiel jalpy kölemı 8,4 milliard teŋge nesie ala aldy. 2022 jyly 14 mlrd teŋge bölınıp, Otbasy bankınıŋ taǧy 1 119 näzık jandy klientterı tūrǧyn üi satyp alyp, qonys toiyn toilady.
"Adyrna" ūlttyq portaly
Ūqsas jaŋalyqtar
