Prezidenttık ümıtker Qaraqat Äbden Instagram paraqşasyna baǧdarlamasy üşın ūialmaitynyn aitty, dep habarlaidy “Adyrna” ūlttyq portaly.
“Baǧdarlamam üşın ūialmaimyn. Soŋǧy 10 kün ışınde, özderıŋız baiqap otyrǧandai, el ışın aralap, qalyŋ jūrtşylyqpen közbe-köz kezdesıp, auyzba-auyz pıkır almasyp jürmın. Osy jüzdesuler barysynda nazar audarǧanym – halyq qandai mäselenıŋ basyn qozǧamasyn, barlyǧy da menıŋ sailaualdy baǧdarlamamda körınıs tapqan. Osy oiymdy bügın Ortalyq ştabtyŋ jūmys barysymen tanysa kelgen TMD baqylauşylar missiiasynyŋ ökılderı Evgenii Koziak pen Alla Harchenkomen äŋgıme barysynda aittym.
Sailau nauqanyn bylai qoia tūrsaq, kez kelgen adam, ūlt, dın ökılı üşın, ol jer betınıŋ qai bölıgınde tūrsa da, mänı men maŋyzy basqalarynan ärkez bırneşe saty joǧary bolatyn qūndylyqtar bolady – būl berekelı otbasy, salauatty ana, baqytty balalyq şaq jäne ädemı qarttyq kez.
Halyqaralyq baqylauşylar tarapynan sailaualdy baǧdarlamama da, saiasatker retınde özıme de erekşe degen baǧa berıldı. Ärine, būl men üşın ülken qūrmet. Sonymen qatar halyqaralyq baqylauşylar baǧdarlamamnyŋ är tarmaǧy elımızdegı äleumettık ahualdy jaqsartyp, odan ärı jetıldıruge baǧyttalǧanyn, olai bolsa, ärbır qazaqstandyq üşın maŋyzdy bolyp keletının basyp aitty”,- dep jazdy ol.
