Prezıdenttik úmitker Qaraqat Ábden Instagram paraqshasyna baǵdarlamasy úshin uıalmaıtynyn aıtty, dep habarlaıdy “Adyrna” ulttyq portaly.
“Baǵdarlamam úshin uıalmaımyn. Sońǵy 10 kún ishinde, ózderińiz baıqap otyrǵandaı, el ishin aralap, qalyń jurtshylyqpen kózbe-kóz kezdesip, aýyzba-aýyz pikir almasyp júrmin. Osy júzdesýler barysynda nazar aýdarǵanym – halyq qandaı máseleniń basyn qozǵamasyn, barlyǵy da meniń saılaýaldy baǵdarlamamda kórinis tapqan. Osy oıymdy búgin Ortalyq shtabtyń jumys barysymen tanysa kelgen TMD baqylaýshylar mıssııasynyń ókilderi Evgenıı Kozıak pen Alla Harchenkomen áńgime barysynda aıttym.
Saılaý naýqanyn bylaı qoıa tursaq, kez kelgen adam, ult, din ókili úshin, ol jer betiniń qaı bóliginde tursa da, máni men mańyzy basqalarynan árkez birneshe saty joǵary bolatyn qundylyqtar bolady – bul berekeli otbasy, salaýatty ana, baqytty balalyq shaq jáne ádemi qarttyq kez.
Halyqaralyq baqylaýshylar tarapynan saılaýaldy baǵdarlamama da, saıasatker retinde ózime de erekshe degen baǵa berildi. Árıne, bul men úshin úlken qurmet. Sonymen qatar halyqaralyq baqylaýshylar baǵdarlamamnyń ár tarmaǵy elimizdegi áleýmettik ahýaldy jaqsartyp, odan ári jetildirýge baǵyttalǵanyn, olaı bolsa, árbir qazaqstandyq úshin mańyzdy bolyp keletinin basyp aıtty”,- dep jazdy ol.
