Elımızde tūrǧyn üi tölemderın aluşylar üşın bırden ekı tūrǧyn üi baǧdarlamasy ıske qosylady. Būl turaly «Otbasy banktıŋ» baspasöz qyzmetı jazdy, dep habarlaidy «Adyrna» tılşısı.
«Otbasy bank 2025 jyldyŋ 17 qaraşasynan bastap tūrǧyn üi tölemderın aluşylardan nesie ötınımderın qabyldaudy bastaidy. Būlar – Qorǧanys ministrlıgı, ŪQK, IIM, TJM, Memlekettık küzet qyzmetı, äskeri prokuratura jäne basqa da mekemelerdıŋ qyzmetkerlerı men äskeri qyzmetşıler»,–delıngen habarlamada.
Bank mälımetınşe, bölımşege aldyn ala barudyŋ qajetı joq. Nesie beru üderısı vedomstvolar ūsynatyn daiyn tızımder boiynşa jürgızıledı. Tızımder jasalǧannan keiın ǧana qyzmetkerler bankke baryp, öz aty-jönınıŋ bazaǧa engenın tekserıp, ötınım bere alady.
Jaŋa tūrǧyn üi alǧysy keletınder «Nauryz Äskeri» baǧdarlamasyna qatysa alady.
«Būl baǧdarlama boiynşa nesie mölşerlemesı – 9%*. Tıptı bastapqy jarnasyz da qatysuǧa bolady. Eger bastapqy jarna 0%-dan 20%-ǧa deiın bolsa, onda nesie somasynyŋ eŋ joǧary mölşerı Almaty men Astana qalalary üşın – 36 million teŋge, al basqa öŋırler üşın – 30 million teŋge bolady.
Eger bastapqy jarna 20%-dan 50%-ǧa deiın bolsa, bank eŋ joǧary nesie somasyn 80 million teŋgege deiın ūlǧaitudy josparlap otyr»,- dep jazdy bank.
Ekınşılık naryqtan üi alǧysy keletınder üşın «Äskeri baspana» baǧdarlamasy ūsynylady:
• nesie mölşerlemesı – 18%;
• bastapqy jarna – 20–50%;
• nesie somasy – 50 mln tg-ge deiın;
• tūrǧyn üidı qatysuşy özı taŋdaidy.
Otbasy banktıŋ mälımetınşe, tūrǧyn üi tölemın alatyn 44 103 azamat bank arqyly baspanaly bolǧan. Būl maqsatqa 870,5 mlrd teŋge jūmsaldy. Onyŋ ışınde äskeri baǧdarlamalar boiynşa 18 myŋ nesie berılıp, jalpy somasy 428 mlrd teŋgenı qūrady.
