Búgin, 5 shilde kúni Memleket basshysy Qasym-Jomart Toqaevtyń Elordasy Astananyń 25 jyldyq 5 jyldyq mereıtoıyna arnalǵan baýyrlas qalalar forýmyndaǵy sózi bastaldy, dep jazady "Adyrna". Bul týraly Aqorda baspasóz qyzmeti bólisti.
Sharaǵa baýyrlas qalalardyń basshylar jáne álemniń ár túrli elderinen kelgen meımandar, sondaı-aq elordanyń burynǵy ákimderi, qalamyzdyń qurmetti turǵyndary, eńbek ardagerleri, mádenıet, ǵylym, sport qaıratkerleri, ǵalymdar, ustazdar, memlekettik qyzmetshiler qatysýda.
Toqaev arnaıylap kelgen qonatarǵa rızashylyǵyn bildirip, "Astana qalasynyń salynýy – Táýelsiz Qazaqstannyń tarıhynda aıryqsha máni bar oqıǵa bolǵanyn" atap ótti.
"Bul – halqymyzdyń bolashaq taǵdyryn aıqyndaǵan asa mańyzdy jáne der kezinde qabyldanǵan tarıhı sheshim. Tuńǵysh Prezıdenttiń osy bastamasy jańa ulttyq ıdeıaǵa aınaldy. Bul sheshim elimizdiń, halqymyzdyń ulttyq múddesine saı kelgenine eshqandaı kúmán joq. Sondyqtan bárimiz Nursultan Ábishuly Nazarbaevtyń bul saladaǵy eńbegine laıyqty, ádiletti baǵa berýimiz kerek" dedi Qasym-Jomart Toqaev.
Sonymen qatar, ol Ádiletti Qazaqstanda aqty aq, qarany qara deý qajet, basqa sózben aıtqanda, neniń shyndyq, neniń ótirik ekenin ajyrata bilý kerektigin aıtty. Elordanyń zamanaýı kelbetin qalyptastyrýǵa at salysqan: Kısıo Kýrokava, Norman Foster, Renato Arkettı, Manfredı Nıkolettı sııaqty álemge áıgili sáýletshilerdi ataı ketti.
