Prezident Qasym-Jomart Toqaev elımız Gaza sektoryndaǧy ahualdy tūraqtandyryp, aimaqty qalpyna keltıru jūmystaryna atsalysuǧa daiyn ekenın jetkızdı. Būl turaly ol Vaşingtonda ötken Beibıtşılık keŋesınıŋ alǧaşqy otyrysynda mälımdedı, dep habarlaidy "Adyrna".
«Alǧaşqy qadam retınde bız Beibıtşılık keŋesıne qomaqty qarjyny jedel türde audaruǧa daiynbyz. Qazaqstan sondai-aq halyqaralyq täjıribesı mol kompaniialardy tarta otyryp, qalpyna keltıru jäne qūrylys üderısıne qatysuǧa müddelı. Ükımetımız eleulı därejede qarjylandyratyn baǧdarlama aiasynda infraqūrylym, tūrǧyn üiler, mektepter, auruhanalar jäne basqa da maŋyzdy azamattyq nysandar salu, sondai-aq üiındılerdı tazartu jūmystary qamtyluy mümkın», – dedı ol.
Toqaev Gaza öŋırınde berık beibıtşılık «naqty ıs-qimyldarǧa» negızdeluı tiıs degen AQŞ prezidentı Donald Tramptyŋ ūstanymyn qoldaitynyn atap öttı.
