Prezident Qasym-Jomart Toqaev Premer-Ministr Asqar Mamindı qabyldady, dep habarlaidy "Adyrna" ūlttyq portaly. Būl jaily Qazaqstan Respublikasy prezidentınıŋ resmi saity mälımdedı.
"Premer-Ministr Qazaqstanda sifrlyq platforma qūru turaly Memleket basşysynyŋ bergen tapsyrmasynyŋ oryndalu barysy jaiynda baiandady.
Qasym-Jomart Toqaev mūqtaj azamattardy sapaly baspanamen barynşa qamtamasyz etu maqsatynda Ükımetke «Nūrly jer» memlekettık baǧdarlamasyn tolyqqandy ıske asyruǧa qatysty problemalardy şeşuge erekşe nazar audarudy tapsyrdy.
Ükımet jergılıktı maŋyzy bar joǧary sapaly joldardy jöndeu jäne salu mäselelerımen ainalysuy kerek.
Azamattarǧa vaksina saludy aqparattyq tūrǧydan qamtamasyz etu jäne biylǧy belgılengen şekke (6 mln adam) qol jetkızu mäselesı de özektı. Sondai-aq Memleket basşysy Ükımet pen oblys äkımderıne azyq-tülık baǧasynyŋ odan ärı ösuıne jol bermeu üşın baqylaudy küşeitudı tapsyrdy." delındı resmi saitta.
"Adyrna" ūlttyq portaly
