Qasym-Jomart Toqaev būrynǧy prezident Nūrsūltan Nazarbaevqa qatysty jaŋa zaŋǧa qol qoidy. Zaŋda Nazarbaevty öz atyndaǧy qūrylymdardyŋ qamqorşylyq keŋesınıŋ basşysy märtebesınen aiyru qarastyrylǧan, dep habarlaidy "Adyrna" ūlttyq portaly.
Būǧan qatysty Aqordanyŋ baspasöz qyzmetı seisenbıde:
"Memleket basşysy "Qazaqstan Respublikasynyŋ keibır zaŋnamalyq aktılerındegı käsıbi bılıktılık, memlekettık nagradalar, äleumettık qamsyzdandyru jäne bılım beru mäselelerı boiynşa özgerıster men tolyqtyrular engızu turaly" Qazaqstan Respublikasynyŋ Zaŋyna qol qoidy", - dep habarlady.Sonymen qatar, memleket basşysy Qasym-Jomart Toqaev "Käsıbi bılıktılık turaly" zaŋǧa qol qoidy. Būǧan deiın Senattyŋ Äleumettık-mädeni damu jäne ǧylym komitetınıŋ töraǧasy Nūrtöre Jüsıp Nazarbaevtyŋ ökıletın şekteudıŋ bırqatar baǧyttary jaily söz etken edı. Deputat "Nazarbaev Universitetı", "Nazarbaev Ziiatkerlık mektepterı" jäne "Nazarbaev Qory" märtebesı turaly Zaŋǧa özgerıster engızıletındıgın aitqan. Sonymen qatar, derbes bılım beru ūiymdaryndaǧy joǧary keŋes qamqorşylaryn aiqyndauǧa qatysty bırqatar tüzetuler bolatynyn habarlaǧan. Toqaev atalmyş özgerıster men tolyqtyrular engızılgen zaŋǧa qol qoidy. Nätijesınde, Nazarbaev öz atymen atalǧan derbes bılım beru ūiymdarynan şettep, Joǧary qamqorşylyq keŋesınıŋ basşysy märtebesınen aiyrylady. Nūrsūltan Äbışūly Nazarbaev 1940 jyldyŋ 6 şıldesınde düniege kelgen. Kezındegı "elbasy" ekı künnen keiın özınıŋ 83-jasyn toilaidy.
"Adyrna" ūlttyq portaly
Ūqsas jaŋalyqtar
Nazarbaev mektebı
nazarbaev statusy
qazaqstan bılımı
elbasy märtebesı
bılım men ǧylym
nazarbaev ataǧy
nazarbaev märtebesı
