Taldyqorǵan qalasyndaǵy Nazarbaev Zııatkerlik mektebiniń oqýshysy MIT-de jazǵy tájirıbeden ótti

1557

Taldyqorǵan qalasyndaǵy Nazarbaev Zııatkerlik mektebiniń 11-synyp oqýshysy Sanjar Turǵanbek ózin baqyttymyn dep esepteıdi. Joǵary oqý jetistikteri úshin mektep oǵan AQSh-ta, Massachýsets tehnologııalyq ınstıtýtynda (MIT) jazǵy til kýrstarynan ótýge múmkindik berdi.

Kórnekti oqytýshylar men professorlardan bilim alý múmkindigi Nazarbaev Zııatkerlik mektepteriniń erekshe belgileriniń biri bolyp tabylady. Al bul múmkindik tek úzdikterge beriledi.

Jazǵy kýrs alty aptaǵa sozyldy. Tyńdaýshylar jobalarymen 4–5 saǵattan jumys istep, sodan keıin ınjenerııa, fızıka, hımııa salasyndaǵy mamandardyń dáristerin tyńdady. Sanjardyń aıtýynsha, baǵdarlama óte qarqyndy boldy.

Sanjar – bolashaq IT-maman, segizinshi synyptan bastap ınformatıkadan olımpıadalyq rezervke engen, ınformatıka páninen halyqaralyq Jáýtikov,  respýblıkalyq olımpıadalarynyń jeńimpazy.

Sanjar MIT zerthanasynda jasalǵan «InferenceQL» programmalaý tiliniń zertteýimen aınalysty. Ol óziniń ǵylymı kómekshisi, tálimger Kemeron Frılermen birge «Crosscat» jasandy ıntellekt úlgisimen jumys istedi. Zertteý barysynda osy úlgini taldap, jumystyń durystyǵyn anyqtap, qorytyndy jasaı aldy.

 Kóptegen oqýshylar Massachýsets tehnologııalyq ınstıtýtynda bilim alǵysy keledi, biraq ol jaqqa úzdikter ǵana túse alady, óıtkeni ol AQSh-taǵy eń talapshyl ýnıversıtetterdiń biri. Derbes oqý orny ǵylymı-tehnologııalyq zertteýlerge úlken kóńil bóledi. Komıssııanyń túpkilikti sheshim qabyldaýyndaǵy basty ról bolashaq stýdenttiń boıynda kóshbasshylyq qasıetterdiń bolýy, álemdi ózgertýge jáne ǵylymnyń damýyna úles qosýǵa umtylý bolyp tabylady», – deıdi Sanjar.

Sanjardyń aıtýynsha Garvard ýnıversıtetiniń jáne MIT professorlarynyń dáristeri jaqsy áser qaldyrdy. Atap aıtqanda, fızıka professory, fızıka boıynsha Nobel syılyǵynyń ıegeri John D. MacArthur, sondaı-aq kıberqaýipsizdik salasyndaǵy Tom Leighton mamanynyń dáristeri.

 Taǵylymdama bolashaq zertteýler úshin áleýetti ıdeıalardy usyndy. Basqa elderden kelgen stýdenttermen de kezdesip, olardyń mádenıetin bilip, ózimdi kórsete aldym. Osy alty apta ishinde men múmkin emes eshteńe joq ekenin, úlken arman men qumarlyqpen aýqymdy jobalardy bastaýǵa jáne jasaýǵa bolatynyn túsindim, – dep Sanjar Turǵanbek suhbatyn túıindedi.

Pikirler
Redakııa tańdaýy