"Bul - meniń anam!" - hımııany jetesine jetkize túsindirgen kásibı ustaz kópshiliktiń yqylasyna bólendi

4043
Adyrna.kz Telegram

Oqýshy sanasyna sáýle shashyp, bilimı ınvestıııany aıamaı quıǵan ustazdar - ult maqtanyshy. Áleýmettik jeliler ajarynda hımııalyq elementterdi qazaqy uǵymǵa saı tápsirlep, jetesine jetkize túsindirgen, taldaǵan ustazdyń erekshe vıdeosy tarady.

Vıdeony kórip qýanǵan ári boıyn maqtanysh sezimi kernegen kúıshi, qazaq dástúrin dáripteýshi Almat Ardaquly:

- Bul - meniń anam! Otyz úsh jyldyq eńbek ótili bar joǵary sanatty hımııa pániniń muǵalimi - Roza Ábdirásilqyzy!  Osy vıdeo TikTok-ta hıt bolyp jatqan kórinedi. Paraqshamda saqtap qoıýdy jón kórdim, - dep jazdy.

 

View this post on Instagram

 

A post shared by ADYRNA.KZ - Jańalyqtar (@adyrna.kz)

Roza Ábdirásilqyzy - Taldyqorǵan qalasy, №21 mekteptiń qurmetti ustazy, oqýshylarynyń súıikti jolashary, hımııa pániniń muǵalimi. Ustaz únemi shákirt sanasyna sáýle quıýda tyń tásilderge súıenedi, qazaq tili men ádebıetiniń bar qunaryn paıdalana otyryp, hımııa áleminiń syryn aıshyqtaıdy.

Ustazdyń erekshe bolmysyna súısingen oqyrmandar sany kóp.

"Qandaı sulý áıel jáne bilimdi ustaz! Densaýlyǵy myqty, jasy uzaq bolsyn!",

"Óte keremet. Anańyz aman bolsyn. Ózin ustaýy, balaǵa qamqorlyǵy, árbir sózi maǵan qatty unady. Paraqshama da saqtap qoıǵam. Sabaǵyn túgel kórmeı-aq, kishkentaı úzindiden bul kisiden kóp nárse úırenýge bolatynyn kórip qaldym. Osyndaı ustazdar kóp bolsyn!",

"Anańyzǵa uzaq ǵumyr tiledik. Urpaqqa bergen tálimi, taǵdyryna taýsylmas baq bolyp kelsin!" dep aq tilegin jaýdyrdy jurt.

"Adyrna" ulttyq portaly

Pikirler