"Polıııa qyzmetkeri zańǵa baǵynatyn adamǵa qurmetpen qaraýy kerek. Al tártip buzýshylarmen zań aıasynda sóılesý qajet. Adamdy azaptaýǵa, qınaýǵa, tyıym salynǵan tergeý tásilderin qoldanýǵa múldem jol berilmeıdi. Árbir tártip saqshysy muny jete túsinýge tıis", - dedi Prezıdent.
Memleket basshysy kúndelikti jumys barysynda polıııa qyzmetkerleri zańǵa júginip, talaptardy saqtalsa, azamattardyń polıııaǵa degen senimi artaatyndyǵyn da aıtty.
"Árıne, qoǵam tarapynan da qurmet bolýy kerek. Halyqtyń túsiniginde polıııa azamattardy qorǵaýshy, qoldaýshy, qylmystyń aldyn alýshy, zańnyń oryndalýyn qadaǵalaýshy bolýǵa tıis. Ókinishke qaraı, qazir el arasynda polıııanyń kelbeti, bedeli dál sondaı dep aıta almaımyz. Tártip saqshysynyń zańdy talabyna baǵynbaý, oǵan qoqan-loqy kórsetý, tipti, kúsh qoldaný durys emes. Osyndaı áreketterdi doǵarý kerek. Mundaı jaǵdaıda buzaqylar jaýapsyz qalmaýy qajet", - dedi Qasym-Jomart Toqaev.
Oraıy kelgende aıta keteıik, "Qańtar oqıǵasy" kezindegi polıııanyń is-áreketine qatysty qoǵamda túrli pikir men kózqarastar áli kúnge deıin aıtylyp keledi. Basynda polıııanyń qorlyǵy ótkenine kóńil aýdara qoıǵandar bolmady, keıin shaǵym aıtýshylardyń sany artyp, bılik bul derekterge nazar salǵan. Bas prokýror Berik Asylov 5 qańtarda parlamenttegi jıynda «azaptaý shaǵymdary boıynsha 329 is qozǵalyp, prokýratýrada UQK men polıııanyń 34 qyzmetkeriniń isi qaralyp jatqanyn aıtqan edi.
