Alǵashqy kóligim "Golf 3" bolatyn. Uzaq mindim. Ózi sándelgen, naǵyz boıdaqtarǵa arnalǵan mashına edi. Keıin qımaı sattym. Dollarmen tólenetin kez. Qalaı sattym, solaı dollar qymbattady. Qolymda 3400$. Qazaqstannan bul baǵaǵa jóni durys kólik tappaısyń. Qossań da jetpeıdi. Sodan naǵashylaryma baryp, Subaru forester aldym. Jaryqtyq jaqsy kólik edi. Gazdy sál bassań asaý aıǵyrlardaı oqyranatyn. Biraq, "pravarýlka" degeniń báribir qıyn eken. Taǵy Bıshkekke baryp, Toyota Camry 30 degenge aıyrbastadym. Naǵyz sharýanyń kóligi ǵoı. Syný degen joq, benzın quıasyń da júre beresiń. Ýaqytyn ótkizip baryp maıyn aýystyrsań da qyńq demeıdi. Dymyn shyǵarmaı júre beredi. Almatyda da kishkene aıdadyq, Qyzylordada da mindik, Astanaǵa da alyp kelip, bertinge deıin sol toıotamen júrdim. Jolda qaldyrǵan joq. Oıǵa da birge túsip, qyrǵa da birge shyqtyq. Bala-shaǵamdy salyp alyp, osy toıotamen Qazaqstannyń biraz jerin aralaǵanmyn. Bir ǵana mınýsy boldy. "Azamattyǵy" qyrǵyz edi. GAI-diń de kózine jyldam ilinesiń, nómiri bóten bolǵandyqtan óziń de tolyqqandy kólik mingendeı bolmaısyń. Satylaýy da qıyn. "Po-svoıskı maǵan ber" degen soń inime pıhat etip jibergem. Jaqynda kóliginiń "azamattyǵyn" qazaqqa aýystyryp, súıinshi surap tur. Nómiri qazaq bolsa, kóliktiń de birden ajary kirip qalady eken. Quddy bir, jańasyn mingendeı shattanyp júr. Al erteń kólikti legalızaııalaýdyń sońǵy kúni. Odan keıin ótinishter qabyldanbaıdy. Degenmen, ótinish berip úlgergenderdiń kólikteri esh kedergisiz "qazaq" bolýǵa quqyly eken. Jalpy, 23 qańtardan bastalǵan akııanyń da sońyna taıappyz. Ótkende 161 myńnan astam sheteldik kóliktiń "qazaqqa" aınalǵanyn oqyǵanmyn. Taǵy 13 myńy kezegin kútip turǵan. Orasan ıfr. Úlken múmkindik berildi. Kóligin legalızaııadan ótkizgenderdiń qatarynda tarazdyq dostarym da bar. Barlyǵy múmkindikti paıdalanyp, kólikterin rásimdep aldy. Bir sózben aıtqanda, halyqtyń rahmeti zor. Endi naýqandy aıaqtaı berýge bolady..
Azız Jumadil
